చెమటోడుస్తున్న అభ్యర్థులు

భాజపా అభ్యర్థి అనిల్‌ కుమార్‌ ప్రచారం
బ్రహ్మపుర నగరం, న్యూస్‌టుడే: ఒకవైపు తరుముకొస్తున్న పోలింగు తేదీ.. మరోవైపు సుర్రుమంటున్న సూరీడు.. అభ్యర్థులు మండుటెండల్ని లెక్కచేయకుండా విజయమే లక్ష్యంగా ప్రజలను ఆకట్టుకునేందుకు చెమటోడుస్తున్నారు. బ్రహ్మపుర అసెంబ్లీ బిజద అభ్యర్థి డాక్టర్‌ రమేష్‌చంద్ర చ్యవుపట్నాయక్‌ శనివారం ఉదయం కళాసీ వీధి, ఖాజా వీధి తదితర ప్రాంతాల్లో ప్రచారం చేశారు. భాజపా అభ్యర్థి కె.అనిల్‌కుమార్‌ కూడా ప్రచార వేగం పెంచారు. బరిలో ఉన్న కాంగ్రెస్‌, ఆప్‌, ఇతర రాజకీయ పార్టీలు, స్వతంత్ర అభ్యర్థులు కూడా వార్డులు, ఇంటింటా ప్రచారం ముమ్మరం చేశారు. పొలసరా అసెంబ్లీ నియోజకవర్గం బిజద అభ్యర్థి శ్రీకాంత్‌ సాహు పొలసరా సమితిలోని ఉస్తాపడ, బొంతపల్లి, ముక్రామాళదేయిపూర్‌ శాసన, మర్ధరాజ్‌పూర్‌ తదితర గ్రామాల్లో పాదయాత్రలు నిర్వహిస్తూ ప్రచారం చేశారు.