తెదేపా రాష్ట్ర అధికార ప్రతినిధిగా గొంప కృష్ణ

శృంగవరపుకోట, న్యూస్‌టుడే: తెదేపా రాష్ట్ర కార్యదర్శిగా ఉన్న శృంగవరపుకోట నియోజకవర్గానికి చెందిన గొంప కృష్ణను రాష్ట్ర అధికార ప్రతినిధిగా ఆ పార్టీ రాష్ట్ర అధ్యక్షుడు అచ్చెన్నాయుడు నియమించారు. కృష్ణ శృంగవరపుకోట అసెంబ్లీ టికెట్‌ ఆశించారు. కోళ్ల లలితకుమారికి ఇచ్చి ఈయనకు అధిష్ఠానం నచ్చజెప్పింది. ఇటీవల వైకాపా నుంచి తెదేపాలో చేరిన ఎమ్మెల్సీ రఘురాజు సతీమణి ఇందుకూరి సుధారాజు, మండలానికి చెందిన రాయవరపు చంద్రశేఖర్‌లను పార్టీ రాష్ట్ర కార్యదర్శులుగా నియమిస్తూ ఆదేశాలు జారీ చేశారు. ఆ పార్టీ నాయకులు, శ్రేణులు వీరికి అభినందనలు తెలిపారు.