తెదేపాతోనే గిరిజన సమస్యల పరిష్కారం

గిరిజనులతో కలిసి డప్పు కొట్టి, సందడి చేస్తున్న సంధ్యారాణి

పాచిపెంట, న్యూస్‌టుడే: తెదేపా అధికారంలోకి వస్తేనే గిరిజనుల కష్టాలు తీరుతాయని కూటమి ఎమ్మెల్యే అభ్యర్థిని గుమ్మిడి సంధ్యారాణి అన్నారు. పాచిపెంట మండలంలోని పణుకువలస పంచాయతీలో కందరివలస, గుటమామిడివలస, కోస్టువలస, పెదచీపురువలస, చినచీపురువలస గ్రామాల్లో పార్టీ రాష్ట్ర ఉపాధ్యక్షుడు భంజ్‌దేవ్‌తో కలిసి సోమవారం ఎన్నికల ప్రచారం నిర్వహించారు. మండలాధ్యక్షుడు ప్రసాద్‌బాబు ఆధ్వర్యంలో తెట్టడవలస, కూనంబందవలస, గడివలసల్లోనూ పర్యటించారు. పలు గ్రామాల్లో గిరిజనులు సమస్యలను ఏకరవు పెట్టారు. అందరి ఆశీర్వాదంతో గెలుపొంది.. సమస్యలన్నింటినీ పరిష్కరిస్తామని ఆమె వారికి భరోసానిచ్చారు. ఈ సందర్భంగా కందరివలసలో వంద మంది గిరిజనులు తెదేపాలో చేరారు. వారికి కండువాలు వేసి సంధ్యారాణి ఆహ్వానించారు. ప్రచారంలో నాయకులు ముఖిసూర్యనారాయణ, మంచాల పారమ్మ, సావిత్రి, డి.మెహన్‌రావు, పోలినాయుడు, యుగంధర్‌ తదితరులు పాల్గొన్నారు.