ప్రజల ఆస్తులు కొల్లగొట్టేందుకు టైటిలింగ్‌ చట్టం

కొత్తపల్లి గీత

పార్వతీపురం, న్యూస్‌టుడే: ల్యాండ్‌ టైటిలింగ్‌ చట్టం ముసుగులో పట్టపగలు దోపిడీకి జగన్‌మోహన్‌రెడ్డి తెరలేపారని మాజీ ఎంపీ, అరకు కూటమి ఎంపీ అభ్యర్థిని కొత్తపల్లి గీత విమర్శించారు. ఆదివారం పార్వతీపురంలో ‘న్యూస్‌టుడే’తో మాట్లాడారు. భూమి పత్రాలను రైతులు దైవంలా భావిస్తారని, జగన్‌ మాత్రం వాటికి విలువ లేకుండా చేస్తున్నారన్నారు. కొత్త చట్టాలను తీసుకొచ్చి ప్రజల ఆస్తులు కొల్లగొట్టేందుకు ప్రయత్నం చేస్తున్నారని విమర్శించారు. ఇన్నాళ్లు ప్రాణాలకు రక్షణ లేకుండా చేశారని, ఇప్పుడు ఆస్తులను లాక్కునేందుకు చూస్తున్నారన్నారు.  ఇంత ఘోరమైన చట్టం దేశంలో లేదన్నారు. ప్రభుత్వ సచివాలయమో, సర్క్యూట్‌ హౌస్‌లను కాకుండా జగన్‌ ఆస్తులు తాడేపల్లి ప్యాలెస్‌, లోటస్‌పాండ్‌ ప్యాలెస్‌ను కదువ పెట్టి అప్పులు తీసుకురావాలని సూచించారు.