నేడు జిల్లాకు అధినేతలు

ఒంగోలు గ్రామీణం, న్యూస్‌టుడే: సార్వత్రిక ఎన్నికల ప్రచారంలో భాగంగా తెదేపా అధినేత చంద్రబాబు నాయుడు, జనసేనాని పవన్‌ కల్యాణ్‌, వైకాపా అధినేత జగన్‌ మోహన్‌ రెడ్డి శుక్రవారం జిల్లాకు రానున్నారు. ఎన్డీఏ కూటమి అభ్యర్థులకు మద్దతుగా పొదిలిలో నిర్వహించనున్న సభలో చంద్రబాబు, గిద్దలూరులో ఏర్పాటు చేసే సభలో పవన్‌కల్యాణ్‌ పాల్గొని ప్రసంగిస్తారు. వైకాపా అభ్యర్థుల విజయం కోరుతూ కనిగిరిలో ఏర్పాటు చేయనున్న సభలో జగన్‌ పాల్గొంటారు. తర్వాత రోజైన శనివారం దర్శిలో నిర్వహించే బహిరంగ సభలో చంద్రబాబు ప్రజలనుద్దేశించి మాట్లాడతారు.