మా ఓట్లు అమ్ముకోం

ఇంటి ప్రధాన గేటుకి ఫ్లెక్సీ ఏర్పాటుచేసిన గయాజ్‌ బాషా

ప్రస్తుత పరిస్థితుల్లో ఎన్నికలంటేనే ప్రలోభాలకు వేదికలుగా మారాయి. రాజకీయ పార్టీలు ఓటర్లు తమ వైపునకు తిప్పుకోవడానికి డబ్బులు ఎరవేస్తున్న రోజులివి. ఇలాంటి కాలంలో కూడా తాము ఓట్లు అమ్ముకోమంటూ కొందరు ఆదర్శంగా నిలుస్తున్నారు. కనిగిరి పట్టణంలోని బాదుల్లావీధికి చెందిన జనవిజ్ఞాన వేదిక జాతీయ కార్యదర్శి షేక్‌ గయాజ్‌ బాషా ఎన్నికల్లో తమ కుటుంబంలోని ఓట్లు అమ్ముకోమని.. దేశం కోసం మా ఓట్లు- ప్రగతి కోసం మా ఓట్లు అంటూ ఆయన ఇంటి ప్రధాన గేటుకి ప్లెక్సీని ఏర్పాటుచేశారు. ఇది ఓటర్లను ఆకర్షిస్తోంది. అటుగా వెళ్లే వారు ఆగి మరీ ఫ్లెక్సీలోని అంశాలను చదువుతున్నారు. 

న్యూస్‌టుడే, కనిగిరి