నటుడు విజయ్‌ కుమారుడు కొత్త సినిమా.. హీరోగా కాదు!

చెన్నై: నటుడు విజయ్‌ కుమారుడు జేసన్‌ సంజయ్‌ 2009లో విడుదలైన ‘వేట్టైక్కారన్‌’ చిత్రంలోని ‘నా అడిచ్చా తంగమాట్ట’ పాటలో తన డ్యాన్స్‌ ద్వారా ప్రేక్షకుల దృష్టిని ఆకర్షించాడు. తర్వాత పైచదువులకు విదేశాలకు వెళ్లాడు. నటుడిగా పలు అవకాశాలు వెతుక్కుంటూ వచ్చినా దర్శకత్వంపై ఆసక్తితో వాటిని సున్నితంగా తిరస్కరించారు. కొన్ని డాక్యుమెంటరీలనూ తీశారు. లైకా ప్రొడక్షన్‌ నిర్మించే ఓ చిత్రానికి సంజయ్‌ దర్శకత్వం వహించడానికి ఒప్పందం కుదిరింది. నటీనటుల గురించి పలు వార్తలు వినిపిస్తున్నా ఇంకా ఖరారు కాలేదు. ఈ నేపథ్యంలో క్రికెట్‌ నేపథ్యంతో ఆ చిత్రం ఉంటుందనే వార్తలు కోలివుడ్‌లో వినిపిస్తున్నాయి.