దిశ యాప్‌తో మహిళలకు భద్రత

మాట్లాడుతున్న శ్రీనివాసరావు, చిత్రంలో ఎమ్మెల్యే, ఎస్పీ

నేరవార్తా విభాగం, న్యూస్‌టుడే: మహిళల భద్రతకు దిశ యాప్‌ భరోసాగా నిలుస్తుందని జడ్పీ ఛైర్మన్‌ మజ్జి శ్రీనివాసరావు అన్నారు. పోలీసుశాఖ ఆధ్వర్యంలో ‘దిశ యాప్‌’ డౌన్‌లోడ్, రిజిస్ట్రేషన్‌కు జిల్లా పోలీసు శాఖ ఆధ్వర్యంలో నగరంలోని ఆర్టీసీ కాంప్లెక్స్‌ వద్ద ఉన్న మెసానిక్‌ ఫంక్షన్‌ హాల్‌లో గురువారం నిర్వహించిన మెగా డ్రైవ్‌ కార్యక్రమానికి ఆయన ముఖ్య అతిథిగా హాజరై ప్రసంగించారు. మహిళలు తక్షణ రక్షణకు ఈ యాప్‌లోని ఎస్‌ఓఎస్‌ బటన్‌ నొక్కితే చాలన్నారు. రాజాం ఎమ్మెల్యే కంబాల జోగులు, ఎస్పీ దీపిక ఎం.పాటిల్, అదనపు ఎస్పీ పి.సత్యనారాయణరావు, దిశ డీఎస్పీ టి.త్రినాథ్, సీఐ ఎం.శేషు, ఎస్‌బీ సీఐ జి.రాంబాబు, డీసీఆర్‌బీ సీఐ బి.వెంకటరావు తదితరులు పాల్గొన్నారు.