చూస్తుంటే.. మరో రుషికొండలా ఉందే

న్యూస్‌టుడే, దత్తిరాజేరు: దత్తిరాజేరు మండలం కన్నాం గ్రామ సమీపంలోని పచ్చగా ఉన్న కొండ మరో రుషికొండను తలపిస్తోంది. అక్రమార్కులు దీనిని ఇలా తయారు చేశారు. కన్నాం, చినకాద, గడసాం గ్రామాల రైతులు, గొర్రెలకాపరులు ఈ కొండపైనే మూగజీవాల్ని మేపుతుంటారు. ఇప్పుడు వారంతా ఇబ్బందులు పడుతున్నారు. అక్రమ తవ్వకాలపై గడసాం గ్రామానికి చెందిన కొంతమంది యువకులు పలుమార్లు మండల, జిల్లా కేంద్రాల్లో అధికారులకు ఫిర్యాదు చేసినా చర్యలు శూన్యం. తాను బాధ్యతలు చేపట్టిన తర్వాత తవ్వకాలకు అనుమతులు ఇవ్వలేదని, గతంలో ఏం జరిగిందో తెలియదని తహసీల్దారు సుదర్శన్‌ ‘న్యూస్‌టుడే’తో అన్నారు.