మూడో రోజు గాయత్రీదేవిగా అలంకరణ

హనుమకొండ చౌరస్తా, న్యూస్‌టుడే : హనుమకొండలోని చారిత్రక రుద్రేశ్వర వేయిస్తంభాల దేవాలయంలో శ్రీ రుద్రేశ్వరీ దేవి శరన్నవరాత్రి ఉత్సవాల్లో భాగంగా బుధవారం మూడో రోజు రుద్రేశ్వరీ దేవికి నిత్యాహ్నిక పూజలు నిర్వహించి గాయత్రీదేవిగా అలంకరించారు. మారేడు దశాలతో బిల్వార్చన చేశారు. ఆలయ ప్రధాన అర్చకులు గంగు ఉపేంద్రశర్మ ఆధ్వర్యంలో వేద పండితులు లోక కల్యాణార్థం మహాచండీయాగం నిర్వహించి భక్తులకు మహా అన్నదానం చేశారు.

గోపాలపూర్‌: శ్రీమహాలక్ష్మీ దేవాలయం, సత్యసాయికాలనీ మండపంలోని దుర్గామాత గాయత్రి అవతారంలో దర్శనమిచ్చింది.