నేడు కలికిరికి సీఎం జగన్‌ రాక

కలికిరి గ్రామీణ, న్యూస్‌టుడే: ఎన్నికల ప్రచారంలో భాగంగా సీఎం జగన్‌ మంగళవారం సాయంత్రం కలికిరికి రానున్నారు. ఈ నేపథ్యంలో కలికిరి-కలకడ మార్గంలోని అంకాలమ్మ గుడి ఎదురుగా ఉన్న స్థలాన్ని హెలీప్యాడ్‌కు పరిశీలించి చదును చేశారు. ఈ స్థలం హెలీకాప్టర్‌ ల్యాండింగ్‌కు అనుకూలంగా లేకపోవడంతో సైనిక పాఠశాల మైదానంలో హెలీప్యాడ్‌ ఏర్పాటు చేపట్టారు. ఈ సందర్భంగా ఏడుగురు డీఎస్పీలు, 21 మంది సీఐలు, 40 మంది ఎస్‌.ఐ.లు, 400 మంది కానిస్టేబుళ్లు, హోంగార్డులతో భద్రత కల్పిస్తున్నట్లు పోలీసులు తెలిపారు. సీఎం పర్యటన నేపథ్యంలో మదనపల్లె నుంచి తిరుపతికి వెళ్లే వాహనాలను వాల్మీకిపురం నుంచి సాకిరేవుపల్లె-మేడికుర్తి క్రాస్‌ మీదుగా మళ్లించారు.