కడపలో వైకాపా అరాచకం

తెదేపా ప్రచారాన్ని అడ్డుకునే ప్రయత్నం

తెదేపా ప్రచారంలోకి దూసుకువస్తున్న వైకాపా కార్యకర్తలు

ఈనాడు, కడప: కడప నగరంలో వైకాపా అరాచకాలు ముదిరి పాకానపడుతున్నాయి. పోలీసులు పట్టించుకోకపోవడంతో వారి ఆగడాలు మితిమీరిపోతున్నాయి. నగరంలోని 41వ డివిజన్‌లో శనివారం తెదేపా ప్రచారాన్ని డిప్యూటీ మేయర్‌ భర్త జమాల్‌తో పాటు పలువురు నేతలు అడ్డుకునే ప్రయత్నం చేశారు. తమ ప్రాంతంలోకి ప్రచారానికి రాకూడదంటూ గొడవకు దిగారు. నేతలు, కార్యకర్తలపైకి దూసుకొచ్చారు. విషయం తెలిసి పోలీసులు జోక్యం చేసుకోవడంతో వివాదం సద్దుమణిగింది. ఈ సందర్భంగా తెదేపా పొలిట్‌బ్యూరో సభ్యుడు శ్రీనివాసరెడ్డి మాట్లాడుతూ వైకాపా అరాచకాలకు చరమగీతం పాడే రోజులు దగ్గరపడ్డాయని, రానున్న రోజుల్లో రెట్టింపు ప్రతీకారం తీర్చుకుంటామని హెచ్చరించారు. ఉప ముఖ్యమంత్రి అంజాద్‌ బాషాను ఇంటికి పంపే రోజులు దగ్గరలోనే ఉన్నాయన్నారు.