మంచు దుప్పటి కప్పుకొన్న తిరుమల గిరులు

ఇంటర్నెట్‌ డెస్క్‌: భక్తిగీతాలు, వేద పారాయణాలతో తెల్లవారే తిరుమలలో శీతల సోయగాలు కనువిందు చేస్తున్నాయి. నివర్‌ ప్రభావంతో కురిసిన వర్షాలకు ఏడుకొండలు ఆహ్లాదకర వాతావరణాన్ని సంతరించుకున్నాయి. అంతటా మంచు దుప్పటి కప్పుకోగా మసక వాతావరణంలోనే భక్తులు, సిబ్బంది కార్యకలాపాలు కొనసాగించారు. శ్రీవారి ఆలయం, పరిసరాలు సహా రహదారుల్లో కమ్ముకున్న మంచు దుప్పటి.. చూపరుల మనసును దోచుకుంది. మరోవైపు పది అడుగుల దూరం కూడా కనిపించనంత దట్టంగా మంచుకురిసి కనుమ దారుల్లో లైట్లు వేస్తే తప్ప యాత్రికులు ముందుకు వెళ్లలేని పరిస్థితి నెలకొంది.