Telangana News: మెడికల్‌ హబ్‌గా తెలంగాణ: భారత్‌ బయోటెక్‌ ఛైర్మన్‌ డాక్టర్‌ కృష్ణ ఎల్ల

హైదరాబాద్‌: ఎన్నో వ్యాధులకు భారత్‌ బయోటెక్‌ వ్యాక్సిన్లు తీసుకొచ్చిందని.. ఇతరుల కంటే ముందుగానే వ్యాక్సిన్లు అందించేందుకు సిద్ధంగా ఉన్నామని ఆ సంస్థ ఛైర్మన్‌ డాక్టర్‌ కృష్ణ ఎల్ల తెలిపారు. అనేక దేశాలకు సరైన సమయంలో కరోనా వ్యాక్సిన్లు అందజేశామని చెప్పారు. హైదరాబాద్‌లో నిర్వహించిన ‘సీఐఐ తెలంగాణ’ వార్షిక సమావేశంలో ఆయన మాట్లాడారు. 

తెలంగాణ మెడికల్‌ హబ్‌గా మారిందని.. వ్యాక్సిన్ల ఉత్పత్తికి రాష్ట్రంలో అన్ని వసతులూ ఉన్నాయని చెప్పారు. తెలంగాణ నుంచి అన్ని దేశాలకూ ఔషధాలు ఎగుమతి చేస్తున్నామన్నారు. పరిశ్రమలకు కేంద్ర, రాష్ట్ర ప్రభుత్వాలు సహకరిస్తున్నాయని చెప్పారు. ప్రపంచం మొత్తానికి ఆహారం అందించే శక్తి భారత్‌కు ఉందని.. మన వ్యవసాయ రంగాన్ని మరింత అభివృద్ధి చేయాలని డాక్టర్‌ కృష్ణ ఎల్ల అభిప్రాయపడ్డారు.