ఏపీలో ఐఏఎస్‌ పోస్టుల్లో మార్పులు.. జగన్‌ ప్రత్యేక ప్రధాన కార్యదర్శి ఎవరంటే?

అమరావతి: ఏపీలో ఐఏఎస్‌ అధికారుల పోస్టుల్లో మార్పులు చేస్తూ ప్రభుత్వం ఉత్తర్వులు జారీ చేసింది. సీఎం జగన్‌ ప్రత్యేక ప్రధాన కార్యదర్శిగా జవహర్‌రెడ్డిని నియమించారు. ఈ మేరకు తితిదే ఈవోగా జవహర్‌రెడ్డిని ప్రభుత్వం రిలీవ్‌ చేసింది. మరోవైపు తితిదే ఏఈవో ధర్మారెడ్డికి ఈవోగా పూర్తి బాధ్యతలు అప్పగించింది. 

నైపుణ్యాభివృద్ధి కార్పొరేషన్‌ ఎండీగా సత్యనారాయణ.. యువజన సర్వీసుల శాఖ కమిషనర్‌గా శారదా దేవిని నియమించారు. ప్రస్తుతం యువజన సర్వీసుల శాఖ కమిషనర్‌గా ఉన్న నాగరాణిని రిలీవ్ చేశారు. మైనార్టీ సంక్షేమశాఖ కార్యదర్శిగా సెర్ప్‌ సీఈవో ఇంతియాజ్‌ను నియమిస్తూ.. ఆయనకు పూర్తి అదనపు బాధ్యతలు అప్పగించారు.