ఏపీలో పెట్రోల్‌, డీజిల్‌పై వ్యాట్‌ పెంపు

అమరావతి: ఆంధ్రప్రదేశ్‌లో పెట్రోల్‌, డీజిల్‌ ధరలపై వ్యాట్‌ను రాష్ట్ర ప్రభుత్వం సవరించింది. పెట్రోల్‌పై రూ. 1.24, డీజిల్‌పై 93 పైసలు వ్యాట్‌ పెంచుతూ నిర్ణయం తీసుకుంది. ఈ మేరకు ఏపీ వ్యాట్‌ 2005ను సవరిస్తూ ప్రభుత్వం ఉత్తర్వులు జారీచేసింది. పెట్రోల్‌పై 31 శాతం పన్నుతో పాటు రూ. 4 అదనపు సుంకం, డీజిల్‌పై 22.25 శాతం వ్యాట్‌తో పాటు రూ. 4 అదనంగా సుంకం విధించింది. కొవిడ్‌ వల్ల ఆదాయం పడిపోవడంతో ఈ నిర్ణయం తీసుకున్నట్లు ఉత్తర్వుల్లో పేర్కొంది. రూ. 4,480 కోట్ల మేర రావాల్సిన రెవెన్యూ తగ్గిందని రెవెన్యూశాఖ వెల్లడించింది. ప్రస్తుతం రూ. 1,323 కోట్లు మాత్రమే రెవెన్యూ వచ్చిందని తెలిపింది. ప్రస్తుత వ్యాట్‌ పెంపు 2015-18 మధ్య వసూలు ప్రకారమే ఉందని పేర్కొంది.