ఏపీ సీఎం ఆర్థిక సలహాదారుగా సుభాష్ చంద్ర

అమరావతి: ఆంధ్రప్రదేశ్‌ ముఖ్యమంత్రి వైఎస్‌ జగన్‌మోహన్‌రెడ్డి ఆర్థిక సలహాదారుగా విశ్రాంత ఐఏఎస్‌ అధికారి సుభాష్‌ చంద్రగార్గ్ నియామకమయ్యారు. నిధుల సమీకరణలో సీఎం సలహాదారుగా గార్గ్‌కు ప్రభుత్వం బాధ్యతలు అప్పగించింది. గతంలో సుభాష్ చంద్రగార్గ్‌ కేంద్ర ఆర్థిక శాఖ కార్యదర్శిగా పనిచేశారు. సుభాష్‌ గార్గ్ రెండేళ్ల పాటు ఈ పదవిలో కొనసాగనున్నట్లు ప్రభుత్వం ఉత్తర్వుల్లో వెల్లడించింది. 
మరోవైపు ఆర్థిక శాఖలో కార్యదర్శిగా ఉన్న ఐఏఎస్‌ అధికారి కార్తికేయ మిశ్ర బదిలీ అయ్యారు. ఆర్థిక వనరుల సమీకరణ ప్రత్యేక కార్యదర్శిగా కార్తికేయ మిశ్రా నియామకమయ్యారు.