రాజధానిపై అఫిడవిట్‌ దాఖలు చేయండి

అమరావతి: విశాఖకు ఎగ్జిక్యూటివ్‌ క్యాపిటల్‌ తరలించేందుకు ప్రభుత్వం ప్రయత్నిస్తోందని అమరావతి పరిరక్షణ సమితి కార్యదర్శి గద్దె తిరుపతిరావు హైకోర్టులో పిటిషన్‌ దాఖలు చేశారు. పిటిషన్‌పై శుక్రవారం విచారణ చేపట్టిన హైకోర్టు ..పది రోజుల్లోగా పూర్తి వివరాలతో అఫిడవిట్‌ దాఖలు చేయాలని ప్రభుత్వాన్ని ఆదేశించింది. తదుపరి విచారణను 10 రోజులకు వాయిదా వేసింది.
ప్రస్తుతం వెలగపూడిలో ఉన్న సచివాలయాన్ని విశాఖకు మార్చేందుకు ప్రయత్నాలు జరుగుతున్నాయని, దాన్ని నిలువరించాలని పిటిషన్‌లో కోరారు. ఎగ్జిక్యూటివ్ క్యాపిటల్‌ తరలింపుపై ఉద్యోగ సంఘాల ప్రకటనతో పాటు విజయసాయిరెడ్డి ప్రెస్‌మీట్‌లో చెప్పిన అంశాలను ఈ సందర్బంగా పిటిషనర్‌ తరఫు న్యాయవాది కోర్టు దృష్టికి తెచ్చారు.