Ginger: అల్లంతో ప్రయోజనాలు ఎన్నో!

ఇంటర్నెట్‌ డెస్క్‌: ‘అబ్బా.. తలనొప్పిగా ఉంది. కాస్త అల్లం టీ  దొరికితే బాగుండు’ అనే మాట చాలాసార్లు వినే ఉంటాం. అవునండీ అల్లం మన ఆరోగ్యానికి ఎంతో మేలు చేస్తుంది. దీంతో ఎలాంటి ప్రయోజనాలున్నాయో తెలుసుకోండి. 

• ఔషధ గుణాలున్న అల్లాన్ని హోమియోపతిలో కూడా ఉపయోగిస్తారు. వంటింట్లో అందరికీ అందుబాటులో ఉండే అల్లం జీర్ణ వ్యవస్థను మెరుగుపరుస్తుంది. 
• కడుపు ఉబ్బరం, ఆహారం జీర్ణం కాకపోవటం వంటి సమస్యలున్న వాళ్లు అల్లం వేసి మరగబెట్టిన నీటిని తాగటం మంచిది.
• కొలస్ట్రాల్‌ను తగ్గించడంలో సహాయపడుతుంది. 
• అల్లం రక్తంలోని చక్కెర స్థాయిలను నియంత్రణలో ఉంచుతుంది. దీనివల్ల డయాబెటీస్‌ వచ్చే అవకాశాలు తక్కువగా ఉంటాయి. 
• కిడ్నీ సమస్యలతో బాధపడేవారు.. నీటిలో అల్లం వేసి మరిగించి, కాస్త నిమ్మ రసం కలిపి తాగితే మంచి ఫలితాలుంటాయి. 
• బరువు తగ్గించేందుకు అల్లం చక్కగా ఉపయోగపడుతుంది. రోజూ ఉదయం అల్లం వేసి మరిగించిన నీటిని తాగటం వల్ల అనవసరమైన కొవ్వు కరుగుతుంది.
• ఉదయం లేవగానే నీటిలో అల్లం వేసి మరిగించాలి. ఈ నీళ్లను వడగట్టి తేనె, పుదీనా ఆకులు వేసుకుని తాగండి. 
• రోజూ వండే కూరల్లో కచ్చితంగా అల్లం చేర్చుకోండి.