JNTU Hyderabad: రాకెట్‌ రూపకల్పనలో నేనూ తప్పులు చేశా: ఇస్రో ఛైర్మన్‌

హైదరాబాద్‌: అంతరిక్ష రంగంలో మరిన్ని స్టార్టప్‌లు, పరిశ్రమలు రావాలని ఇస్రో ఛైర్మన్‌ సోమనాథ్‌ ఆకాంక్షించారు. తెలంగాణలోని జవహర్‌లాల్‌ నెహ్రూ సాంకేతిక విశ్వవిద్యాలయం (జేఎన్‌టీయూ)లో జరిగిన స్నాతకోత్సవంలో ఆయనకు గౌరవ డాక్టరేట్‌ను వీసీ ప్రొ.కట్టా నరసింహారెడ్డి అందజేశారు. ఈ సందర్భంగా సోమనాథ్‌ మాట్లాడుతూ.. ‘‘వర్సిటీలతో కలిసి పనిచేయడంపై వీసీతో చర్చించా. తక్కువ ఖర్చుతో ప్రాజెక్టులు చేసేందుకు కృషి చేస్తున్నాం. చంద్రయాన్‌ - 3 దేశం మొత్తం గర్వించేలా చేసింది. పరాజయాలు అధిగమించి 3 ప్రాజెక్టుల్లో విజయం సాధించాం. నా జీవితంలో రాకెట్‌ రూపకల్పనలో నేనూ ఎన్నో తప్పులు చేశా. అపజయం గెలుపునకు పాఠం లాంటింది’’ అని చెప్పారు.