Road Accident: జడ్చర్లలో రోడ్డు ప్రమాదం.. తల్లి, కుమారుడు మృతి

జడ్చర్ల: ప్రొక్లెయిన్, కారు ఢీకొనడంతో ఇద్దరు మృతి చెందిన ఘటన మహబూబ్‌నగర్ జిల్లా జడ్చర్లలో చోటుచేసుకుంది. అనారోగ్యంతో బాధపడుతున్న తల్లిని మెరుగైన వైద్యం కోసం కుమారుడు హైదరాబాద్‌కు తీసుకెళ్తుండగా ఈ రోడ్డు ప్రమాదం జరిగింది. కోయిలకొండకు చెందిన బిజినపల్లి ప్రమీల కొంతకాలంగా అనారోగ్య సమస్యలతో బాధపడుతున్నారు. ఆమె చిన్న కుమారుడు యాదయ్య, కుమార్తె, పెద్ద కోడలు కలిసి.. ప్రమీలను కారులో హైదరాబాదుకు తీసుకెళ్తున్నారు. జడ్చర్ల సమీపంలోకి రాగానే..  పొక్లెయిన్ - కారు బలంగా ఢీకొన్నాయి. ఈ ఘటనలో ప్రమీల, ఆమె కుమారుడు యాదయ్య అక్కడికక్కడే మృతిచెందారు. డ్రైవర్ శివకుమార్ తీవ్రంగా గాయపడగా.. రాములమ్మ, యాదమ్మకు స్వల్ప గాయాలయ్యాయి.