Updated : 01/12/2021 16:55 IST

AP News: మోపాడు రిజర్వాయర్‌కు లీకులు.. 5 గ్రామాలకు ముప్పు! 

పామూరు: ప్రకాశం జిల్లా పామూరు మండలం మోపాడు రిజర్వాయర్‌ కట్ట కింది భాగంలో లీకవుతోంది. దీంతో 5గ్రామాలకు ముప్పు పొంచి ఉంది. జిల్లాలో సోమ, మంగళవారాల్లో కురిసిన భారీ వర్షాలకు మోపాడు రిజర్వాయర్‌ పూర్తి స్థాయిలో నిండి అలుగు పారుతోంది. దీనికి తోడు వాగులు, వంకల నుంచి రిజర్వాయర్‌లోకి భారీగా వరద నీరు వచ్చి చేరుతోంది. ప్రస్తుతం రిజర్వాయర్‌లో 2.09 టీఎంసీల నీటి నిల్వ ఉంది.

కాగా, ఈ ఉదయం నుంచి రిజర్వాయర్‌ కట్టకు అడుగు భాగంలో ఐదు చోట్ల నీరు లీకవుతోంది. గమనించిన స్థానికులు, రైతులు వెంటనే నీటిపారుదల శాఖ అధికారులకు సమాచారం అందించారు. ఈ రిజర్వాయర్‌ కింద సుమారు 20వేల ఎకరాలు సాగవుతున్నాయి. నీరు లీకవుతుండటంతో రైతులు, స్థానిక ప్రజలు తీవ్ర భయాందోళనలో ఉన్నారు.

మరోవైపు జిల్లాలోని పామూరు పాత చెరువు పూర్తి స్థాయిలో నిండి అలుగు పారుతోంది. చెరువు కట్ట తెగిపోయే ప్రమాదం ఉండడంతో జేసీ వెంకటమురళి, అధికారులు చర్యలు చేపట్టారు. అలుగు పారుతున్న నీరు 565 జాతీయ రహదారిపైకి వచ్చి గోపాలపురం ఎస్సీకాలనీని ముంచేసింది. సహాయక చర్యలు చేపట్టిన అధికారులు ప్రజలను అప్రమత్తం చేశారు.   


Read latest General News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని