Traffic jam: హైదరాబాద్‌- విజయవాడ హైవేపై వరద.. స్తంభించిన ట్రాఫిక్‌

అబ్దుల్లాపూర్‌మెట్‌: శనివారం రాత్రి కురిసిన వర్షానికి హైదరాబాద్‌ శివారు అబ్దుల్లాపూర్‌మెట్‌ సమీపంలోని చింతలచెరువు నిండిపోయింది. దీంతో హైదరాబాద్‌-విజయవాడ జాతీయ రహదారిపైకి  వరద పోటెత్తడంతో వాహనదారులు తీవ్ర ఇబ్బందులు పడుతున్నారు. భారీగా వరదనీరు చేరడంతో ఈ ఉదయం హైవేపై ట్రాఫిక్‌ స్తంభించింది. స్థానిక పోలీసులు ట్రాఫిక్‌ను క్రమబద్ధీకరిస్తున్నారు. దీంతో ఆ ప్రాంతంలో నెమ్మదిగా వాహనాలు ముందుకు కదులుతున్నాయి. మరోవైపు బాటసింగారం నుంచి మజీద్‌పూర్‌ వెళ్లే దారిలో వాగులు పొంగిపొర్లుతున్నాయి. వాగుల వద్ద పోలీసులు బారికేడ్లు పెట్టి వాహన రాకపోకలను నిలిపేశారు.