AP News: సత్యసాయిబాబా సేవలు అందరికీ ఆదర్శనీయం: రాష్ట్రపతి ముర్ము

పుట్టపర్తి: మానవసేవే మాధవసేవ అని బోధించిన శ్రీసత్యసాయి సేవలు అందరికీ ఆదర్శనీయమని రాష్ట్రపతి ద్రౌపది ముర్ము అన్నారు. శ్రీ సత్యసాయిబాబా 98వ జయంతి వేడుకల్లో భాగంగా సత్యసాయి డీమ్డ్‌ యూనివర్సిటీ 42వ స్నాతకోత్సవానికి ముఖ్యఅతిథిగా రాష్ట్రపతి హాజరయ్యారు. పుట్టపర్తిలోని ప్రశాంతి నిలయానికి చేరుకున్న రాష్ట్రపతికి.. గవర్నర్‌ అబ్దుల్‌ నజీర్‌, సత్యసాయి మేనేజింగ్‌ ట్రస్ట్‌ ఛైర్మన్‌ రత్నాకర్‌ స్వాగతం పలికారు. ఈ సందర్భంగా రాష్ట్రపతి సత్యసాయి మహాసమాధిని దర్శించుకున్నారు. 

ఈ సందర్భంగా రాష్ట్రపతి మాట్లాడుతూ.. సదా సత్యం పలకాలని, సదా ధర్మాన్ని ఆచరించాలన్న బాబా వాక్కులను నిజజీవితంలో అలవరుచుకొని విద్యార్థులు ముందుకు సాగాలన్నారు. వివిధ రంగాల్లో అత్యుత్తమ ప్రతిభ కనబరచిన శ్రీసత్యసాయి బాబా విద్యాసంస్థల విద్యార్థులకు పట్టాలతో పాటు 21 మందికి బంగారు పతకాలను రాష్ట్రపతి ద్రౌపది ముర్ము చేతుల మీదుగా అందజేశారు.