మధ్యప్రదేశ్‌లోకి చొరబడిన 100 మంది నక్సలైట్లు!

బాలాఘాట్‌: మధ్యప్రదేశ్‌లో తమ ప్రాబల్యాన్ని విస్తరించుకునేందుకు మావోయిస్టులు యత్నిస్తున్నారు. ఇందులో భాగంగా కొన్ని ఛత్తీస్‌గఢ్, మహారాష్ట్ర నుంచి దాదాపు 100 మంది మావోయిస్టులు మధ్యప్రదేశ్‌లోకి చొరబడినట్లు పోలీసులు తెలిపారు. వారి ప్రాబల్యాన్ని విస్తరించుకోవడానికే తరలివచ్చినట్లు పేర్కొన్నారు. అయితే.. మావోయిస్టు ప్రభావిత ప్రాంతాలైన బాలాఘాట్, మండ్లాకు 6 పారామిలిటరీ దళాలను పంపించనున్నట్లు ప్రభుత్వం తెలిపింది. ‘‘మాకు అందిన సమాచారం ప్రకారం తమ ప్రాబల్యాన్ని పెంచుకోవడానికి  కొన్ని నెలలుగా దాదాపు 100 మంది నక్సలైట్లు మహారాష్ట్ర, ఛత్తీస్‌గఢ్‌ నుంచి మధ్యప్రదేశ్‌కు వచ్చారు. బాలాఘాట్, మండ్లా జిల్లాల్లో 6 నక్సలైట్‌ దళాలు కార్యకలాపాలు కొనసాగిస్తున్నాయి. అందులో కతియా మోచా దళం మండ్లాకు గతేడాదే వచ్చింది’’ అని ఓ పోలీసు అధికారి తెలిపారు.

ఇదీ చదవండి.. 

 డ్రగ్స్‌ కేసులో టాలీవుడ్‌ నటి అరెస్టు