ఒకే వ్యక్తిని పెళ్లాడిన కవల సోదరీమణులు

కవల సోదరీమణులు ఒకే వ్యక్తిని పెళ్లాడారు. మహారాష్ట్రలోని శోలాపుర్‌లో ఈ అరుదైన వివాహం జరిగింది. వరుడు అతుల్‌ స్వస్థలం శోలాపుర్‌ కాగా.. కవల వధువులు ముంబయిలోని కండివాలికి చెందినవారు. అతుల్‌.. ట్రావెల్‌ ఏజెంట్‌గా పనిచేస్తున్నాడు. వధువులు పింకీ, రింకీ.. సాఫ్ట్‌వేర్‌ ఇంజనీర్లుగా ఉద్యోగం చేస్తున్నారు. వీరి తండ్రి కొన్నేళ్ల క్రితం మరణించారు. ఆరు నెలల క్రితం పింకీ, రింకీల తల్లి అనారోగ్యానికి గురయ్యారు. ఆ సమయంలో అతుల్‌ తన ట్యాక్సీలో వీరిని ఆసుపత్రికి తీసుకెళ్లాడు. అప్పడు ఏర్పడిన పరిచయం ప్రేమగా మారింది. పెళ్లికి రెండు కుటుంబాలు సమ్మతి తెలిపాయి. దీంతో పింకీ, రింకీలు అతుల్‌ను పెళ్లాడారు. ఆ దృశ్యాలు సోషల్‌ మీడియాలో వైరల్‌ అవడంతో విషయం పోలీసుల దృష్టికి వెళ్లింది. వారు అతుల్‌పై కేసు నమోదు చేశారు.