Published : 30 Oct 2021 21:40 IST

US: భారత సంతతి సీఈఓ దారుణ హత్య.. 80 కి.మీ. వెంబడించి మరీ..!

న్యూయార్క్‌: అమెరికాలో భారత సంతతికి చెందిన ఫార్మా సంస్థ సీఈఓ దారుణ హత్యకు గురయ్యారు. ఓ దుండగుడు డబ్బుకోసం దాదాపు 80 కిలోమీటర్లు వెంబడించి మరీ.. వ్యాపారవేత్తను కాల్చి చంపినట్లు పోలీసులు తెలిపారు. న్యూజెర్సీలో జరిగిన ఈ దుర్ఘటన ఆలస్యంగా వెలుగులోకి వచ్చింది.

న్యూజెర్సీలోని ప్లెయిన్స్​బోరో ప్రాంతానికి చెందిన శ్రీరంగ అరవపల్లి(54) ఔరెక్స్‌ లేబొరేటరీస్‌ పేరుతో 2014 నుంచి ఫార్మా సంస్థను నడుపుతున్నారు. మంగళవారం అర్ధరాత్రి దాటాక ఓ క్లబ్​లో క్యాసినో ఆట ముగించుకుని శ్రీరంగ దాదాపు 10 వేల డాలర్లతో ఇంటికి బయల్దేరారు. అయితే ఆ డబ్బును దొంగిలించాలని పన్నాగం పన్నిన ఓ దుండగుడు శ్రీరంగను పెన్సిల్వేనియాలోని ఆ క్యాసినో నుంచి వెంబడించాడు. దాదాపు 80 కిలోమీటర్ల దూరం సీఈఓను ఫాలో అయినట్లు పోలీసులు తెలిపారు. న్యూజెర్సీలోని ఇంట్లోకి ప్రవేశిస్తున్న సమయంలో దుండగుడు ఆయనపై కాల్పులు జరపడంతో మృతిచెందినట్లు వివరించారు. ఈ ఘటనపై కేసు నమోదు చేసిన పోలీసులు జెకాయ్ రీడ్ జాన్(27)​ అనే వ్యక్తిని నిందితుడిగా గుర్తించారు. అతడిని అరెస్టు చేసి విచారణ జపుతున్నారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని