Updated : 12/08/2021 07:23 IST

ఫోన్‌ వచ్చింది మాట్లాడమ్మా.. తల్లి చనిపోయిందని తెలుసుకోలేని అమాయకత్వం

 యువ వైద్యురాలి బలవన్మరణం ఘటనలో విషాద కోణం  

లింగాల, న్యూస్‌టుడే: అమ్మ ఫోన్‌ రింగయింది. అంతే! మూడేళ్ల చిన్నారి పరుగున ఇంట్లోకెళ్లి దాన్ని చేతికందుకున్నాడు. ‘అమ్మా నీకు ఫోన్‌ వచ్చింది మాట్లాడు’ అంటూ సెల్‌ఫోన్‌ను తల్లి మొహం వద్ద పెట్టాడు. అమ్మ ఇక లేదని.. ఆమె అప్పటికే చనిపోయిందని.. తెలియని ఆ చిన్నారి తల్లి స్పందించకపోవడంతో బిక్కమొహం వేశాడు. ఫోన్‌ను తల్లి నోటి వద్దే ఉంచి అలా నిస్తేజంగా ఉండిపోయాడు. నాగర్‌కర్నూల్‌ జిల్లా లింగాల మండల కేంద్రంలో యువ వైద్యురాలు బలవన్మరణానికి పాల్పడ్డారు. అక్కడ కన్పించిన హృదయ విదారక దృశ్యమిది. లింగాలకు చెందిన కేతావత్‌ సోమశేఖర్‌కు, సూర్యాపేట జిల్లా నేరేడుచర్ల మండలానికి చెందిన దివ్య (26)తో అయిదేళ్ల క్రితం వివాహమైంది. భార్యాభర్తలిద్దరూ ఎంబీబీఎస్‌ పూర్తిచేశారు. వివాహమైన ఏడాది తరవాత సోమశేఖర్‌ ఉన్నత చదువుల కోసం భార్యతోపాటు దుబాయి వెళ్లారు. రెండు నెలల కిందట దంపతులు స్వగ్రామానికి తిరిగి వచ్చారు. దివ్యను, మూడేళ్ల కుమారుడు జ్ఞాని విరాట్‌ను తన తల్లిదండ్రుల వద్ద ఉంచి సోమశేఖర్‌ నెలక్రితం తిరిగి దుబాయి వెళ్లిపోయారు. ఈ క్రమంలో భార్యాభర్తల మధ్య మనస్పర్థలు తలెత్తినట్టు సమాచారం.

బిడ్డను బయటకు పంపి

బుధవారం మధ్యాహ్నం 12 గంటల సమయంలో అత్తామామలు వరండాలో కూర్చొని ఉండగా దివ్య కుమారుడిని బయటకు పంపించి లోపల తాళం వేసుకున్నారు. తర్వాత చీరతో ఫ్యాన్‌కు ఉరి వేసుకున్నారు. బిడ్డ తలుపు తడుతూ ఏడుస్తుండటంతో తేరుకున్న అత్తమామలు, చుట్టుపక్కల వారి సాయంతో బాధితురాలిని స్థానిక ప్రభుత్వ ఆసుపత్రికి తరలించారు. అప్పటికే ఆమె మృతి చెందినట్లు వైద్యులు ధ్రువీకరించారు. తల్లి మృతి చెందిన విషయం తెలియని మూడేళ్ల చిన్నారి రింగయిన ఫోన్‌ను అమ్మకు ఇచ్చేంద]ుకు చేసిన ప్రయత్నం అక్కడున్న వారిని చలింపజేసింది.

Read latest Latest News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని