Chiranjeevi-Ravi teja: మరోసారి ఇద్దరూ?

చిరంజీవి సినిమాలో రవితేజ నటించనున్నారా? ఆ మేరకు చర్చలు ఊపందుకున్నాయా?- ఈ ప్రశ్నలకి  అవుననే సమాధానమే వినిపిస్తోంది. చిరంజీవి కథానాయకుడిగా కె.ఎస్‌.రవీంద్ర (బాబీ) దర్శకత్వంలో ఓ చిత్రం తెరకెక్కనున్న సంగతి తెలిసిందే. మైత్రీ మూవీ మేకర్స్‌ నిర్మిస్తోంది. చిరంజీవి 154వ సినిమా అది. ఈ దసరాకే చిత్రీకరణ ఆరంభమయ్యే అవకాశాలు ఉన్నాయి. ఇందులో చిరుతోపాటు మరో కథానాయకుడు చేయాల్సిన ఓ పాత్ర ఉంటుందట. ఆ పాత్ర కోసం రవితేజని సంప్రదించినట్టు, చర్చలు సాగుతున్నట్టు తెలిసింది. చిరంజీవి సినిమాలో రవితేజ నటించడం కొత్తేమీ కాదు. ‘అన్నయ్య’తోపాటు ‘శంకర్‌దాదా జిందాబాద్‌’లోనూ మెరిశారు రవితేజ. అన్నీ కుదిరితే మరోసారి ఆ ఇద్దరూ కలిసి సందడి చేయనున్నారు.