Fighter: ‘ఫైటర్‌’ రంగంలో దిగేదెప్పుడంటే..!

కరోనా వైరస్‌ మూడో వేవ్‌ తర్వాత బాలీవుడ్‌ నెమ్మదిగా పుంజుకుంటోంది. విడుదలలు మెల్లగా మొదలయ్యాయి.  చిత్రీకరణలు జోరుగా సాగుతున్నాయి. ఈ నేపథ్యంలో కొత్త సినిమాల విడుదల తేదీలు ప్రకటిస్తున్నారు. తాజాగా శుక్రవారం మరో పెద్ద బాలీవుడ్‌ చిత్రం ప్రేక్షకుల ముందుకు వచ్చే రోజును తెలిపారు    నిర్మాతలు. హృతిక్‌ రోషన్‌, దీపిక పదుకొణె నాయకానాయికలుగా నటిస్తున్న చిత్రం ‘ఫైటర్‌’. భారీ నిర్మాణ వ్యయంతో... యాక్షన్‌ ఘట్టాలతో చిత్రీకరిస్తున్న ఈ సినిమాకు సిద్ధార్థ్‌ ఆనంద్‌ దర్శకుడు. దీన్ని సెప్టెంబర్‌ 28, 2023లో విడుదల చేయనున్నట్లు దర్శక, నిర్మాతలు ప్రకటించారు. ఇందులో సీనియర్‌ నటుడు అనిల్‌కపూర్‌ ఓ ముఖ్యపాత్ర పోషిస్తున్నారు. హృతిక్‌ ప్రస్తుతం విక్రమ్‌-వేదా హిందీ రీమేక్‌లో నటిస్తున్నారు.