family man: పంచ కల్యాణి తెచ్చా తెచ్చా!

విజయ్‌ దేవరకొండ, మృణాల్‌ ఠాకూర్‌ జంటగా నటించిన చిత్రం ‘ఫ్యామిలీస్టార్‌’. పరశురామ్‌ తెరకెక్కించిన ఈ సినిమాని దిల్‌రాజు, శిరీష్‌ సంయుక్తంగా నిర్మించారు. ఈ చిత్రం ఏప్రిల్‌ 5న తెలుగు, తమిళ, హిందీ భాషల్లో ఒకేసారి విడుదల కానుంది. ఈ నేపథ్యంలో ప్రచార పర్వాన్ని వేగవంతం చేసింది చిత్రబృందం. ఇందులో భాగంగా మంగళవారం ఈ సినిమాలోని రెండో గీతాన్ని విడుదల చేశారు. ఇది విజయ్‌ - మృణాల్‌ల పెళ్లి వేడుక నేపథ్యంలో వచ్చే పాట. ‘‘కల్యాణి వచ్చా వచ్చా.. పంచ కల్యాణి తెచ్చా తెచ్చా.. సింగారీ చెయ్యందించా.. ఏనుగంబారి సిద్ధంగుంచా’’ అంటూ హుషారుగా సాగిన ఈ గీతానికి గోపీసుందర్‌ స్వరాలు సమకూర్చగా.. అనంత శ్రీరామ్‌ సాహిత్యమందించారు. మంగ్లీ, కార్తీక్‌ సంయుక్తంగా ఆలపించారు. యాక్షన్‌ ప్రాధాన్యమున్న కుటుంబ కథాంశంతో రూపొందిన చిత్రమిది. దీనికి కూర్పు: మార్తాండ్‌ కె.వెంకటేష్‌, ఛాయాగ్రహణం: కె.యు.మోహనన్‌.