Kaliyugam Pattanamlo: ‘కలియుగం కలుషితం’ అనుకున్నాము

విశ్వ కార్తికేయ, ఆయూషి పటేల్‌ జంటగా రమాకాంత్‌ రెడ్డి తెరకెక్కించిన చిత్రం ‘కలియుగం పట్టణంలో’. కందుల చంద్ర ఓబుల్‌ రెడ్డి, జి.మహేశ్వర రెడ్డి, కాటం రమేష్‌ నిర్మించారు. శుక్రవారం ఈ సినిమా విడుదల కానుంది. ఈ నేపథ్యంలో ఇటీవల విడుదల ముందస్తు వేడుకని నిర్వహించారు. ఈ వేడుకకు హీరో సుమన్‌, నిర్మాత ఎ.ఎం.రత్నం, గీత రచయిత చంద్రబోస్‌ తదితరులు ముఖ్యఅతిథులుగా హాజరయ్యారు. ‘చంద్రబోస్‌ రాసిన ‘కలియుగం కలుషితం’ అనే పాట బాగుంది. ఆ పాటనే టైటిల్‌గా పెడితే బాగుండేదని అనుకున్నా’ అన్నారు ఎ.ఎం రత్నం. ‘విశ్వ అద్భుతంగా నటించాడు. ఆయూషికి ఇదే తొలి చిత్రం. చూడగానే ఈ పాత్రకు సెట్‌ అవుతుందని అనుకున్నాము. కంటెంట్‌ బాగుంటే ప్రేక్షకులు తప్పక సినిమాని చూస్తారు. అలాంటి సినిమానే ఇద’ని అన్నారు దర్శకనిర్మాతలు.