ఫైనల్‌లో ట్రైలర్‌..!

ఆమిర్‌ ఖాన్‌ కథానాయకుడిగా నటించిన తాజా చిత్రం ‘లాల్‌ సింగ్‌ చద్ధా’. ఆగస్టు 11న ఈ చిత్రం విడుదల కానుందని ఇప్పటికే ప్రకటించారు. సినిమా ప్రచారంలో ఈ యూనిట్‌ అరుదైన మార్గాన్ని ఎంచుకుంది. అందులో భాగంగా ‘లాల్‌ సింగ్‌ చద్ధా’ ట్రైలర్‌ను అహ్మదాబాద్‌లో ఈ నెల 29న జరగనున్న ఇండియన్‌ ప్రీమియర్‌ లీగ్‌ ఫైనల్‌ మ్యాచ్‌లో విడుదల చేయనున్నారు. కరీనాకపూర్‌ ఖాన్‌ నాయికగా నటించిన ఈ సినిమాలో నాగచైతన్య, మోనా సింగ్‌ ప్రధాన పాత్రల్లో కనిపించనున్నారు. ఇప్పటికే విడుదలైన రెండు పాటలకు మంచి ఆదరణ లభించింది. అద్వైత్‌ చందన్‌ దర్శకత్వం వహించిన ఈ చిత్రం కామెడీ డ్రామాగా తెరకెక్కింది.