సమంత బాటలోనే నాగచైతన్య?

హైదరాబాద్‌: నాగచైతన్య - విక్రమ్‌ కె.కుమార్‌ కలయికలో ‘థ్యాంక్యూ’ పేరుతో ఓ చిత్రం రూపొందుతున్న సంగతి తెలిసిందే. ప్రస్తుతం సెట్స్‌పై ఉన్న ఈ సినిమా పూర్తయ్యాక, మరోసారి ఈ ఇద్దరూ కలిసి పనిచేయనున్నట్టు సమాచారం. అయితే ఈసారి వెబ్‌సిరీస్‌ కోసమని తెలుస్తోంది. నాగచైతన్యతో ఓ ప్రముఖ ఓటీటీ వేదిక వెబ్‌ సిరీస్‌ ఒప్పందం కుదుర్చుకున్నట్టు సమాచారం.

థ్రిల్లర్‌ కథతో రూపొందనున్న ఆ సిరీస్‌కి విక్రమ్‌ కె.కుమార్‌ దర్శకత్వం వహించే అవకాశాలున్నట్టు  తెలిసింది. సమంత ఇప్పటికే ‘ది ఫ్యామిలీ మేన్‌2’ సిరీస్‌లో నటించిన సంగతి తెలిసిందే. తన భార్యలాగే నాగచైతన్య కూడా ఓటీటీ వేదికతో ఇంటింటికీ చేరువ కానున్నారన్నమాట.