Partner: కామెడీ థ్రిల్లర్‌ కథతో..

ఆది పినిశెట్టి, హన్సిక ప్రధాన పాత్రల్లో నటిస్తున్న తమిళ చిత్రం ‘పార్ట్‌నర్‌’. మనో దామోధరన్‌ దర్శకుడు. పాలక్‌ లల్వాని కథానాయిక. యోగిబాబు, పాండియరాజన్‌ కీలక పాత్రలు పోషిస్తున్నారు. ఈ చిత్ర ఫస్ట్‌లుక్‌ను నటుడు ఆర్య బుధవారం సామాజిక మాధ్యమాల ద్వారా విడుదల చేశారు. ఆ పోస్టర్‌లో ఆది, హన్సిక స్టైల్‌గా ఓ కారులో కూర్చొని ఉండగా.. పాండియరాజన్‌ వెనక సీట్లో తాళ్లతో బంధించి ఉండటం ఆసక్తిరేకెత్తిస్తోంది. ఆ కారు వెనక యోగిబాబు ఓ నోట్ల కట్ట పట్టుకొని చిరునవ్వులు చిందిస్తూ కనిపించారు. విభిన్నమైన కామెడీ థ్రిల్లర్‌ కథాంశంతో రూపొందుతోన్న చిత్రమిది. ప్రస్తుతం ముగింపు దశలో ఉంది. త్వరలో ప్రేక్షకుల ముందుకు రానుంది.