RRR: ‘ఆర్‌ఆర్‌ఆర్‌’ స్కాట్‌ కన్నుమూత

హాలీవుడ్‌ నటుడు రే స్టీవెన్సన్‌ (58) మంగళవారం తుదిశ్వాస విడిచారు. ఎస్‌ఎస్‌ రాజమౌళి దర్శకత్వంలో వచ్చిన ‘ఆర్‌ఆర్‌ఆర్‌’ (RRR) సినిమాలో బ్రిటిష్‌ గవర్నర్‌ మిస్టర్‌ స్కాట్‌ పాత్రలో నటించి గుర్తింపు తెచ్చుకున్నారు రే స్టీవెన్సన్‌. ఓ సినిమా చిత్రీకరణలో ఉండగా అనారోగ్యానికి గురవడంతో ఆసుపత్రిలో చేరారు. ఆదివారం నాడు ఆయన మరణించినట్లు ఆయన సన్నిహితులు వెల్లడించారు. రే మరణం పట్ల సామాజిక మాధ్యమాల వేదికగా ప్రముఖ దర్శకుడు ఎస్‌ ఎస్‌ రాజమౌళి సంతాపం ప్రకటించారు. ‘‘రే మరణవార్త షాకింగ్‌గా ఉంది. ఇప్పటికీ ఆ వార్తను నమ్మలేకపోతున్న. సినిమా సెట్స్‌లో స్టీవెన్సన్‌ చాలా ఉత్సాహంగా పనిచేసేవారు. ఆయనతో పని చేయడం చాలా ఆనందంగా ఉంది. నా ప్రార్థనలు ఎప్పుడు వారి కుటుంబంతో ఉంటాయి. ఆయన ఆత్మకు శాంతి చేకురాలని కోరుకుంటున్నాను’ అని రాజమౌళి ఒక ఫోటోను షేర్‌ చేస్తూ ట్విటర్‌లో తెలిపారు. ఎన్టీఆర్‌, రామ్‌చరణ్‌లు కూడా రే మృతికి సంతాపం ప్రకటించారు.