‘సత్యమేవ జయతే 2’ విడుదల వాయిదా

ముంబయి: జాన్‌ అబ్రహాం, దివ్య ఖోస్ల కుమార్‌ ప్రధాన పాత్రల్లో తెరకెక్కుతోన్న చిత్రం ‘సత్యమేవ జయతే 2’. మిలప్‌ ఝవేరి దర్శకత్వం వహిస్తున్నారు. ఈ చిత్ర విడుదలని వాయిదా వేస్తున్నట్టు నిర్మాణ సంస్థ ప్రకటించింది. ‘ప్రస్తుత పరిస్థితుల్లో భద్రతని మించింది ఏదీ లేదు. మన సినిమా సత్యమేవ జయతే 2 అనుకున్న రోజున కాకుండా మరో తేదీన వస్తుంది. మాస్క్‌ ధరించండి. మనకి మనం సురక్షితంగా ఉంటూ మనల్ని ప్రేమించే వారిని సురక్షితంగా ఉంచేందుకు ప్రయత్నిద్దాం. జై హింద్‌’ అని పేర్కొంది. టీ- సిరీస్, ఎమ్మీ ఎంటర్‌టైన్‌మెంట్‌ పతాకంపై భూషణ్ కుమార్, కృష్ణన్‌ కుమార్‌, నిఖిల్‌ అడ్వాణి నిర్మిస్తున్న ఈ చిత్రం మే 13న విడుదల కావాల్సి ఉంది. గతంలో వచ్చిన ‘సత్యమేవ జయతే’ చిత్రానికి సీక్వెల్‌గా రూపొందుతోంది.