Swathimuthyam: ‘స్వాతిముత్యం’ ముందే వచ్చేస్తోంది.. ఓటీటీ విడుదల తేదీ మారింది

ఇంటర్నెట్‌ డెస్క్‌: బెల్లకొండ గణేశ్‌, వర్ష బొల్లమ్మ జంటగా నటించిన చిత్రం ‘స్వాతిముత్యం’ (Swathimuthyam). ఈ సినిమాని ఈ నెల 28 నుంచి స్ట్రీమింగ్‌కు అందుబాటులోకి తీసుకొస్తున్నట్టు ఓటీటీ ‘ఆహా’ (Aha) ప్రకటించిన సంగతి తెలిసిందే. ఇప్పుడా తేదీ మారింది. సినీ ప్రియుల డిమాండ్‌ మేరకు ఆ సినిమాని నాలుగు రోజుల ముందుగానే అంటే అక్టోబరు 24న విడుదల చేస్తున్నట్టు బుధవారం ప్రకటించింది. ఈ రొమాంటిక్‌ ఎంటర్‌టైనర్‌కు లక్ష్మణ్‌ కె. కృష్ణ దర్శకత్వం వహించారు. నరేశ్‌, రావు రమేశ్‌, ప్రగతి, సురేఖా వాణి, వెన్నెల కిశోర్‌ తదితరులు కీలక పాత్రలు పోషించిన ఈ చిత్రం దసరా కానుకగా థియేటర్లలో విడుదలై మంచి విజయం అందుకుంది.