Manchi Rojulochaie : అందరికి మంచి రోజులొచ్చాయి

సంతోష్‌ శోభన్‌, మెహ్రీన్‌ జంటగా మారుతి తెరకెక్కించిన చిత్రం ‘మంచి రోజులు వచ్చాయి’. యువీ కాన్సెప్ట్స్‌, మాస్‌ మూవీ మేకర్స్‌ సంస్థలు సంయుక్తంగా నిర్మించాయి. అనూప్‌ రూబెన్స్‌ స్వరాలందించారు. ఈ సినిమా ఈనెల 4న ప్రేక్షకుల ముందుకు రానుంది. ఈ నేపథ్యంలోనే మంగళవారం చిత్ర టైటిల్‌ గీతాన్ని విడుదల చేశారు. ‘‘మంచి రోజులొచ్చాయి.. అందరికి మంచి రోజులొచ్చాయి’’ అంటూ హుషారుగా సాగుతున్న ఈ పాటకు శ్యామ్‌ కాసర్ల సాహిత్యం అందించగా.. హరిచరణ్‌, శ్రావణి ఆలపించారు. ‘‘మారుతి శైలిలో సాగే విభిన్నమైన కథాంశంతో ఈ చిత్రం ముస్తాబు చేస్తున్నాం. ఆద్యంతం వినోదాత్మకంగా.. అన్ని వర్గాల ప్రేక్షకుల్ని అలరించేలా ఉంటుంది’’ అని చిత్ర బృందం తెలియజేసింది. ఈ సినిమాకి కళ: రామ్‌ కుమార్‌, ఛాయాగ్రహణం: సాయి శ్రీరామ్‌.