Bangarraju: సోగ్గాళ్లోయ్‌... సందళ్లోయ్‌

నాగార్జున, నాగచైతన్య కథానాయకులుగా నటించిన చిత్రం ‘బంగార్రాజు’. రమ్యకృష్ణ, కృతిశెట్టి కథానాయికలు. కల్యాణ్‌కృష్ణ కురసాల దర్శకత్వం వహిస్తున్నారు. జీ స్టూడియోస్‌తో కలిసి అన్నపూర్ణ స్టూడియోస్‌ పతాకంపై అక్కినేని నాగార్జున నిర్మిస్తున్నారు. ఈ సినిమా చిత్రీకరణ పూర్తయింది. ప్రస్తుతం నిర్మాణానంతర కార్యక్రమాలు జరుగుతున్నాయి. ప్రచార కార్యక్రమాల్లో భాగంగా కొత్త ఏడాది ఆరంభాన్ని పురస్కరించుకుని శనివారం టీజర్‌ని విడుదల చేస్తున్నారు. ఈ సందర్భంగా తండ్రీ తనయులు నాగార్జున, నాగచైతన్య మీసాలు తిప్పుతూ కనిపిస్తున్న కొత్త లుక్‌ని విడుదల చేసింది చిత్రబృందం. ఈ చిత్రానికి స్క్రీన్‌ప్లే: సత్యానంద్‌, సంగీతం: అనూప్‌ రూబెన్స్‌, ఛాయాగ్రహణం: యువరాజ్‌, కళ: బ్రహ్మ కడలి.