Ram Gopal Varma: ‘మీ అందర్నీ పెళ్లి చేసుకోవచ్చా’: బుల్లితెరపై ఆర్జీవీ సందడి

ఇంటర్నెట్‌ డెస్క్‌: ఇంటర్వ్యూ అయినా, ప్రత్యేక కార్యక్రమమైనా, చర్చా వేదికైనా.. దర్శకుడు రామ్‌గోపాల్‌ వర్మ (ఆర్జీవీ) ఒకేలా ఉంటారు. తనకు ఏది అనిపిస్తే అది అనేస్తుంటారు. తనదైన శైలిలో చమత్కరించి అందరినీ ఆకట్టుకుంటారు. ‘పెళ్లాం వద్దు.. పార్టీ ముద్దు’ అనే కార్యక్రమానికి ముఖ్య అతిథిగా హాజరై మరోసారి అలాంటి సందడినే తీసుకొచ్చారు. ‘నేను మీ అందరినీ పెళ్లి చేసుకోవచ్చా?’ అని ఆ వేదికపై ఉన్న అమ్మాయిలందరినీ అడిగి, ఆశ్చర్యానికి గురిచేశారు. నూతన సంవత్సరం కానుకగా ఈ ప్రత్యేక కార్యక్రమం రూపొందింది. డిసెంబరు 31న ‘ఈటీవీ’లో ప్రసారంకానున్న ఎపిసోడ్‌ ప్రోమో ఈ విశేషాల్ని తెలియజేసింది. ఈ ఈవెంట్‌లో ఆర్జీవీతోపాటు ఇంద్రజ, రష్మి, లాస్య, ‘జబర్దస్త్‌’, ‘ఢీ’ తదితర కార్యక్రమాల కంటెస్టెంట్‌లు పాల్గొన్నారు.

► Read latest Cinema News and Telugu News