Vikram: ‘విక్రమ్‌’ ట్రైలర్‌లో టామ్‌ క్రూజ్‌.. వీడియో వైరల్‌

హైదరాబాద్‌: విశ్వనటుడు కమల్‌హాసన్‌ (Kamal Haasan), ఫహద్‌ ఫాజిల్‌ (Fahadh Faasil), విజయ్‌ సేతుపతి (Vijay Sethupathi) ప్రధాన పాత్రలో నటించిన బ్లాక్‌బస్టర్ హిట్ చిత్రం ‘విక్రమ్‌’ (Vikram). మాదక ద్రవ్యాల నిషేధం నేపథ్యంలో రూపుదిద్దుకున్న ఈ చిత్రానికి లోకేశ్‌ కనగరాజ్‌ తెరకెక్కించారు. ఈ సినిమా విడుదలై ఐదు నెలలు అయినప్పటికీ ప్రేక్షకుల్లో ఈ సినిమాపై ఉన్న ఆసక్తి ఏ మాత్రం తగ్గలేదు. ఈ నేపథ్యంలోనే ఓ నెటిజన్‌ ‘విక్రమ్‌’ ట్రైలర్‌తో స్పెషల్‌ వీడియో క్రియేట్‌ చేశాడు. హాలీవుడ్‌ నటుడు టామ్‌క్రూజ్‌, మహేశ్‌బాబు, బాలీవుడ్‌ నటుడు హృతిక్‌ రోషన్‌.. నటించిన సినిమాల్లోని సన్నివేశాలకు ‘విక్రమ్‌’ ట్రైలర్‌లోని డైలాగ్‌లను యాడ్‌ చేసి ఈ వీడియో క్రియేట్‌ చేశాడతను. ఇందులో మహేశ్‌బాబు.. కమల్‌హాసన్‌ రోల్‌లో కనిపించగా.. ఫహద్‌గా టామ్‌క్రూజ్‌, విజయ్‌ సేతుపతిగా హృతిక్‌ కనిపించారు. ప్రస్తుతం ఈ వీడియో మూవీ లవర్స్‌ను ఆకట్టుకుంటోంది.