రాహుల్‌ స్టైల్‌లోనే కౌంటర్‌ ఇచ్చిన భాజపా

దిల్లీ : ప్రధాని మోదీ నేతృత్వంలోని భాజపా సర్కార్‌ గత కొన్ని రోజులుగా సాధించిన విజయాలు ఇవేనంటూ కాంగ్రెస్‌ నేత రాహుల్‌గాంధీ తీవ్ర విమర్శలు చేసిన నేపథ్యంలో.. భాజపా కూడా కౌంటర్‌ ఇచ్చింది. రాహుల్‌గాంధీ స్టైల్‌లోనే విమర్శించి.. మీరు సాధించిన విజయాలేంటో గుర్తుచేసుకోండని తీవ్రస్థాయిలో ధ్వజమెత్తింది.

రాహుల్‌ సాధించిన విజయాలివే అంటూ కేంద్ర మంత్రి ప్రకాశ్‌ జావడేకర్‌ ఎద్దేవా చేశారు. ట్వీట్లకే పరిమితమైన పార్టీగా కాంగ్రెస్‌ విలువ పడిపోయిందని విమర్శించారు.
ఫిబ్రవరి : షాహీన్‌ బాగ్‌ అల్లర్లు
మార్చి : జ్యోతిరాదిత్య సింధియాతోపాటు మధ్యప్రదేశ్‌ ప్రభుత్వాన్ని కోల్పోవడం
ఏప్రిల్ : కార్మికులను ప్రేరేపించడం.
మే : చారిత్రక ఎన్నికల ఓటమికి ఆరో వార్షికోత్వం
జూన్‌ : చైనా తరఫు వాదించడం
జులై : రాజస్థాన్‌లో పార్టీని కూల్చుకోవడం

అంతకుముందు..  కరోనా వైరస్‌ విజృంభిస్తున్న తరుణంలో మోదీ సర్కార్‌ సాధించిన విజయాలివే అంటూ రాహుల్‌ ట్విటర్‌లో విమర్శించారు.‘ఫిబ్రవరి: హలో ట్రంప్‌, మార్చి: మధ్యప్రదేశ్‌లో ప్రభుత్వ కూల్చివేత, ఏప్రిల్‌: కరోనాపై పోరుకు కొవ్వొత్తుల్ని వెలిగించడం, మే: మోదీ సర్కార్‌కు ఆరో వార్షికోత్సవం, జూన్‌: బిహార్లో వర్చువల్‌ ర్యాలీ, జులై: రాజస్థాన్‌లో ప్రభుత్వాన్ని కూల్చివేసేందుకు కుట్ర’’ అని రాహుల్‌ ట్వీట్‌ చేశారు.