19, 24 తేదీల్లో ఉమ్మడి వరంగల్‌లో సీఎం ఎన్నికల ప్రచారం

మడికొండ, మహబూబాబాద్‌, న్యూస్‌టుడే: లోక్‌సభ ఎన్నికల ప్రచారంలో భాగంగా ఈ నెల 19, 24 తేదీల్లో ముఖ్యమంత్రి రేవంత్‌రెడ్డి ఉమ్మడి వరంగల్‌ జిల్లాలో పర్యటించనున్నారు. 19న సాయంత్రం 4 గంటలకు హెలికాప్టర్‌లో మహబూబాబాద్‌కు చేరుకుంటారు. స్థానిక ఎన్టీఆర్‌ మైదానంలో నిర్వహించే బహిరంగ సభలో ప్రసంగిస్తారు. అదే రోజు ఉదయం కాంగ్రెస్‌ అభ్యర్థి బలరాంనాయక్‌ నామినేషన్‌ వేయనున్నారు. 24న హనుమకొండ జిల్లా కాజీపేట మండలం మడికొండలో మధ్యాహ్నం 3 గంటలకు నిర్వహించే బహిరంగ సభలోనూ రేవంత్‌రెడ్డి పాల్గొని ప్రసంగిస్తారు. బుధవారం సాయంత్రం మడికొండ విద్యుత్తు సబ్‌స్టేషన్‌ కార్యాలయం ముందున్న ఖాళీ స్థలాన్ని బహిరంగ సభ కోసం పరకాల ఎమ్మెల్యే రేవూరి ప్రకాశ్‌రెడ్డి, స్టేషన్‌ ఘన్‌పూర్‌ ఎమ్మెల్యే కడియం శ్రీహరి పరిశీలించారు.