JC Prabhakar Reddy: రైతులతో కలిసి జేసీ ప్రభాకర్‌ రెడ్డి రహదారి దిగ్బంధం

అనంతపురం: పెద్దఒడుగూరు మండలం మిడ్తూరు వద్ద రైతులతో కలిసి అనంతపురం జిల్లా తాడిపత్రి మున్సిపల్‌ ఛైర్మన్‌, మాజీ ఎమ్మెల్యే జేసీ ప్రభాకర్‌రెడ్డి (JC Prabhakar Reddy) ఆందోళనకు దిగారు. మిడ్‌ పెన్నార్‌ రిజర్వాయర్‌ ఉత్తర కాల్వ ఆయకట్టు రైతులు, జేసీ కలిసి జాతీయ రహదారిని దిగ్బంధించారు. 50వేల ఎకరాల్లో మిర్చి, పత్తి పంటలు ఎండిపోతున్నాయని ఆందోళన వ్యక్తం చేశారు. ‘‘ఉత్తర కాల్వ కింద పెద్దఒడుగూరు, యాడికి మండలాల్లో  పంటలు ఎండుతున్నాయి. గత నెల 18న ఉత్తర కాల్వకు నీటిని  అధికారులు నిలిపివేశారు. వెంటనే ఆ కాల్వకు నీటిని విడుదల చేసి పంటలు కాపాడాలి’’ అని జేసీ ప్రభాకర్‌ రెడ్డి డిమాండ్‌ చేశారు.