CM KCR: మహారాష్ట్ర సీఎం ఉద్ధవ్‌ ఠాక్రేతో ముగిసిన సీఎం కేసీఆర్‌ భేటీ

ముంబయి: మహారాష్ట్ర సీఎం ఉద్ధవ్‌ ఠాక్రేతో తెలంగాణ సీఎం కేసీఆర్‌ భేటీ ముగిసింది.  బేగంపేట విమానాశ్రయం నుంచి ప్రత్యేక విమానంలో ముంబయి చేరుకున్న సీఎం కేసీఆర్‌  అక్కడి నుంచి ఉద్ధవ్‌ ఠాక్రే నివాసానికి వెళ్లారు. ఈ సందర్భంగా ఆయనకు ఘన స్వాగతం లభించింది. కేసీఆర్‌ బృందానికి మహారాష్ట్ర సీఎం విందు ఏర్పాటు చేశారు. అనంతరం ఇరువురు ముఖ్యమంత్రులు ప్రత్యేకంగా సమావేశమై జాతీయ రాజకీయాలపై చర్చించారు. కేంద్ర ప్రభుత్వంపై వ్యతిరేక కూటమికి మద్దతు కూడగట్టే ప్రయత్నాల్లో భాగంగా ఈ భేటీ జరగడం ప్రాధాన్యం సంతరించుకుంది. సీఎం కేసీఆర్‌ వెంట ఎమ్మెల్సీ కవిత, ఎంపీలు సంతోష్‌, రంజిత్‌రెడ్డి, బీబీ పాటిల్‌, ఎమ్మెల్సీ పల్లా రాజేశ్వర్‌రెడ్డి, ప్రముఖ సినీనటుడు ప్రకాశ్‌ రాజ్‌ తదితరులు ఉన్నారు.