Ponnam Prabhakar: కేసీఆర్‌ పచ్చి అబద్ధాలు మాట్లాడుతున్నారు: పొన్నం ప్రభాకర్‌

హైదరాబాద్: భారాస అధినేత కేసీఆర్‌ పచ్చి అబద్ధాలు మాట్లాడుతున్నారని మంత్రి పొన్నం ప్రభాకర్‌ విమర్శించారు. కరవు, రాజకీయ పార్టీ, ప్రభుత్వానికి సంబంధం ఏంటని ప్రశ్నించారు. హైదరాబాద్‌లో నిర్వహించిన మీడియా సమావేశంలో ఆయన మాట్లాడారు. చేతనైతే కేంద్ర ప్రభుత్వం నుంచి కరవు సాయం కోరాలన్నారు. కల్లాల్లోకి వడ్లు రాకముందే బండి సంజయ్‌ విమర్శలు చేస్తున్నారని.. వడ్లు కొననిరోజు, తూకంలో మోసాలు జరిగినప్పుడు ఆయన ఎందుకు మాట్లాడలేదని నిలదీశారు. సంజయ్‌కు చిత్తశుద్ధి ఉంటే కేంద్రం నుంచి కరవు నిధులు తేవాలన్నారు. కేంద్రం ఎంత ఇస్తే.. అంతే మొత్తంలో ఇవ్వడానికి రాష్ట్రం సిద్ధంగా ఉందని పొన్నం చెప్పారు.