Lionel Messi: అందలమెక్కిన అందరివాడు!
సచిన్ వన్డే ప్రపంచకప్ గెలవకుండా కెరీర్కు గుడ్బై చెప్పి ఉంటే..?ఫెదరర్ ఏదో ఒక గ్రాండ్స్లామ్ అందుకోకుండా వీడ్కోలు తీసుకుని ఉంటే..?వారి కెరీర్ పరిపూర్ణం అయ్యేదా..? ఏదో వెలితిగా అనిపించేది కదా..?లియొనెల్ మెస్సి ఫుట్బాల్ ప్రపంచకప్ను అందుకోకున్నా అంతే..!
సచిన్ వన్డే ప్రపంచకప్ గెలవకుండా కెరీర్కు గుడ్బై చెప్పి ఉంటే..?
ఫెదరర్ ఏదో ఒక గ్రాండ్స్లామ్ అందుకోకుండా వీడ్కోలు తీసుకుని ఉంటే..?
వారి కెరీర్ పరిపూర్ణం అయ్యేదా..? ఏదో వెలితిగా అనిపించేది కదా..?
లియొనెల్ మెస్సి ఫుట్బాల్ ప్రపంచకప్ను అందుకోకున్నా అంతే..!
కానీ నిరీక్షణకు తెరదించుతూ.. ఈ సాకర్ మాంత్రికుడి ఉజ్వల కెరీర్కు అద్భుతమైన ముగింపునిస్తూ.. ప్రపంచకప్ వచ్చి అతడి ఒళ్లో వాలింది.
తన అత్యుత్తమ ఆటనంతా ఈ కప్పు కోసమే దాచుకున్నాడా అన్నట్లు.. అతను చూపించిన వేగం, సహచరులతో అతడి సమన్వయం, ప్రత్యర్థి డిఫెన్స్ గోడల్ని అతను బద్దలు కొట్టిన వైనం ఒక చరిత్ర! ఒక మేటి ఫుట్బాలర్ తన అత్యుత్తమ ఆటను బయటికి తీస్తే ఎలా ఉంటుందో ఈ నెల రోజుల్లో ఫుట్బాల్ ప్రపంచమంతా చూసి ఫిదా అయిపోయింది. మంత్రముగ్ధమైన అతడి ఆటకు.. ప్రపంచకప్ దిగి వచ్చి సలాం కొట్టక తప్పలేదు!
ఆట ఏదైనా సరే, అందులో అత్యుత్తమ స్థాయిని అందుకున్న ఆటగాడు.. ఆ ఆటలో అత్యున్నత ఘనతను సొంతం చేసుకోవాలని కోరుకుంటాం! వన్డే ప్రపంచకప్ కోసం సచిన్ సుదీర్ఘ నిరీక్షణ కొనసాగుతున్న వేళ.. 2011లో అతను దాన్ని అందుకుని నిష్క్రమించాలని మెజారిటీ క్రికెట్ ప్రపంచం కోరుకుంది! ఇప్పుడు ఫుట్బాల్ ప్రపంచకప్లో అర్జెంటీనా టైటిల్కు అడుగు దూరంలో నిలిచిన వేళ.. ఒక్క ఫ్రాన్స్ అభిమానులు తప్ప అందరూ మెస్సీ జట్టుకే కప్పు సొంతం కావాలని కోరుకున్నారు! మెస్సిపై అభిమానం అలాంటిది మరి! ఫుట్బాల్ అందాన్ని, సొగసును ద్విగుణీకృతం చేసేలా ఆడే అరుదైన ఆటగాళ్లలో మెస్సి ఒకడు. అతడి పాద కదలికలు, డ్రిబ్లింగ్ నైపుణ్యం, గోల్స్ కొట్టడంలో నేర్పరితనం చూసి.. ముందు తరం దిగ్గజాలు సైతం అబ్బురపడ్డారు. ఫుట్బాల్తో పెద్దగా పరిచయం లేని వాళ్లు కూడా కాసేపు తన ఆట చూస్తే ఈ ఆటలో మజా ఏంటో అర్థమై ఆస్వాదించేలా చేయగల ఆకర్షణ మెస్సి సొంతం. రెండు దశాబ్దాలుగా అంతర్జాతీయ మ్యాచ్ల్లో, క్లబ్ ఫుట్బాల్లో తన మంత్రముగ్ధమైన ఆటతో ప్రపంచవ్యాప్తంగా అభిమానులకు లియొనెల్ అందించిన వినోదం అపరిమితం! అందుకే అతడి ఘనతల సరసన ప్రపంచకప్ విజయం కూడా చేరాలని ఎప్పట్నుంచో అభిమానులు కోరుకుంటున్నారు. 2014లో ఆ కలకు అత్యంత చేరువగా వచ్చి త్రుటిలో కప్పును కోల్పోయాడు. కానీ 2022 నాటికి వయసు పెరిగినా ఉత్సాహం, చురుకుదనం తగ్గని మెస్సి.. తన పతాక స్థాయి ఆటతో జట్టును గెలిపించాడు.
ఈ ఒక్క విజయంతో..: పీలే.. మారడోనా.. ఫుట్బాల్ చరిత్రలో అత్యుత్తమ ఆటగాళ్లుగా పేరున్న దిగ్గజాలు. నైపుణ్యాల్లో, ఘనతల్లో ఒకరికొకరు దీటుగా నిలుస్తారు. వీరి తర్వాత ఆ స్థాయి ఆటగాళ్లు ఎవరంటే గుర్తుకొచ్చే పేర్లు లియొనెల్ మెస్సి, క్రిస్టియానో రొనాల్డోలవే. క్లబ్ ఫుట్బాల్లో వీరు సాధించిన ఘనతలు అసాధారణం. ఇక నైపుణ్యం విషయంలో ఎవరికి వారే సాటి. వీరిలో ఎవరు గొప్ప అంటే చెప్పడం కష్టమే! కానీ ఇప్పుడు ప్రపంచకప్ విజయంతో మెస్సి.. రొనాల్డోతో పోలిస్తే కొన్ని మెట్లు పైకెక్కేశాడు. క్లబ్ ఫుట్బాల్లో ఎన్ని ఘనతలు సాధించినా.. ఫుట్బాల్లో అత్యున్నతం అనదగ్గ ప్రపంచకప్ను సాధించడమే ఒక ఆటగాడి అంతిమ లక్ష్యం. కాబట్టి ఈ విజయంతో మెస్సి కెరీర్ పరిపూర్ణం అయింది.
మెస్సి.. అచ్చం సచిన్ లాగే!
క్రికెట్ చరిత్రలో అత్యుత్తమ ఆటగాళ్లలో ఒకడైన సచిన్, ఫుట్బాల్ ఆల్ టైం గ్రేట్స్లో ఒకడైన మెస్సిల ప్రపంచకప్ విజయాల్లో పోలికలుండడం విశేషం. క్రికెట్లో సచిన్ పదో నంబర్ జెర్సీని ధరిస్తే.. ఫుట్బాల్లో మెస్సిది కూడా అదే నంబర్ జెర్సీ. 2003లో వన్డే ప్రపంచకప్ ఫైనల్ ఓటమితో నిరాశ చెందిన మాస్టర్.. ఎనిమిదేళ్ల తర్వాత 2011లో ప్రపంచకప్ను అందుకున్నాడు. 2014లో ఫైనల్లో రన్నరప్తో సరిపెట్టుకున్న మెస్సి.. ఎనిమిదేళ్లకు ఇప్పుడు కప్పును సొంతం చేసుకున్నాడు. 2011 ప్రపంచకప్ సెమీస్లో సచిన్ ‘మ్యాన్ ఆఫ్ ద మ్యాచ్’ అందుకుంటే.. 2022 ప్రపంచకప్లోనూ మెస్సి సెమీస్లో ‘ప్లేయర్ ఆఫ్ ద మ్యాచ్’గా నిలవడం విశేషం. వేర్వేరు క్రీడల్లో అత్యుత్తమ ఆటగాళ్లుగా పేరున్న ఇద్దరి మధ్య ఇలాంటి పోలికలుండడం విశేషమే.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అప్పుడు పరుగులు చేసింది కోహ్లీ ఒక్కడే: డుప్లెసిస్
Faf du Plessis: విజయంతోనే జట్టులో విశ్వాసం వస్తుందన్నాడు బెంగళూరు సారథి ఫాఫ్ డుప్లెసిస్. తమ జట్టులో విరాట్ కోహ్లీ టాప్ స్కోరర్గా ఉండటం ఆనందంగా ఉందన్నాడు. -
ప్రతి మ్యాచ్లో అది పనిచేయదు, అయినా..: కమిన్స్
Pat Cummins: హైదరాబాద్ వేదికగా గురువారం జరిగిన ఐపీఎల్ మ్యాచ్లో బెంగళూరు చేతిలో సన్రైజర్స్ ఓటమిపాలైంది. దీనిపై కమిన్స్ మాట్లాడుతూ.. తమ జట్టు అనుసరిస్తున్న వ్యూహాన్ని సమర్థించుకున్నాడు. -
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్
-
శ్రీశైలంలో వైభవంగా భ్రమరాంబాదేవి కుంభోత్సవం
-
పెళ్లి గౌనును రీమోడల్ చేయించిన సమంత.. ఫొటోలు వైరల్
-
బొగ్గు ఓడను విశాఖ పోర్టుకు మళ్లించండి.. అదానీ గంగవరం పోర్టు యాజమాన్యానికి హైకోర్టు ఆదేశం
-
ఆర్టీసీ ప్రయాణికుల వద్దకే శ్రీ సత్యసాయి తాగునీరు