IND Vs SL: చివరి బంతికి చిక్కింది
శ్రీలంకే కదా.. ఆడుతోంది మన సొంతగడ్డ మీదే కదా అనుకుంటే.. ప్రత్యర్థి జట్టు టీమ్ఇండియాకు చుక్కలు చూపించింది. బంతితో భారత్ను గట్టి దెబ్బ తీసిన లంక.. తర్వాత బ్యాటుతోనూ కంగారెత్తించింది.
దీపక్, అక్షర్ పోరాటం
అరంగేట్రంలో మావి మెరుపులు
భయపెట్టిన శానక, చమిక
లంకపై గట్టెక్కిన భారత్
శ్రీలంకే కదా.. ఆడుతోంది మన సొంతగడ్డ మీదే కదా అనుకుంటే.. ప్రత్యర్థి జట్టు టీమ్ఇండియాకు చుక్కలు చూపించింది. బంతితో భారత్ను గట్టి దెబ్బ తీసిన లంక.. తర్వాత బ్యాటుతోనూ కంగారెత్తించింది. మొదట మ్యాచ్పై ఆశలు పోతున్న దశలో దీపక్ హుడా, అక్షర్ పటేల్ల పట్టుదల భారత్కు పోరాడే స్కోరునందిస్తే.. ఆపై ఇక కష్టమే అనుకుంటున్న దశలో బౌలర్లు పుంజుకుని భారత్ను గెలిపించారు. చివరి బంతికి 4 పరుగులు చేయాల్సిన స్థితిలో.. జోరుమీదున్న చమికకు షాట్ ఆడే అవకాశం ఇవ్వకుండా కట్టుదిట్టమైన బంతిని వేసిన అక్షర్ పటేల్.. జట్టును గట్టెక్కించాడు. అరంగేట్రంలోనే 4 వికెట్లతో అదరగొట్టిన శివమ్ మావి తొలి టీ20లో భారత బౌలింగ్ హీరో.
శ్రీలంకతో మూడు టీ20ల సిరీస్లో టీమ్ఇండియా శుభారంభం చేసింది. హార్దిక్ పాండ్య నేతృత్వంలో యువ ఆటగాళ్లతో సరికొత్తగా మారిన టీ20 జట్టు.. మంగళవారం తొలి టీ20లో 2 పరుగుల తేడాతో లంకను ఓడించింది. మొదట దీపక్ హుడా (41 నాటౌట్; 23 బంతుల్లో 1×4, 4×6), ఇషాన్ కిషన్ (37; 29 బంతుల్లో 3×4, 2×6), అక్షర్ పటేల్ (31 నాటౌట్; 20 బంతుల్లో 3×4, 1×6) రాణించడంతో భారత్ 5 వికెట్లకు 162 పరుగులు చేసింది. లంక బౌలర్లలో హసరంగ (1/22), తీక్షణ (1/29), చమిక కరుణరత్నె (1/22) రాణించారు. అనంతరం లంక నిర్ణీత ఓవర్లలో 160 పరుగులకు ఆలౌటైంది. అరంగేట్ర బౌలర్ శివమ్ మావి (4/22) అదరగొట్టాడు. ఉమ్రాన్ మాలిక్ (2/27), హర్షల్ పటేల్ (2/41) కూడా రాణించారు. కెప్టెన్ శానక (45; 27 బంతుల్లో 3×4, 3×6), చమిక (23 నాటౌట్; 16 బంతుల్లో 2×6) లంకను గెలిపించడానికి గట్టి ప్రయత్నమే చేశారు. రెండో టీ20 గురువారం పుణెలో జరుగుతుంది.
కంగారెత్తించిన ఆ ఇద్దరూ..: లంక ఇన్నింగ్స్ ఒక దశ వరకు సాగిన తీరు చూస్తే.. మ్యాచ్ ఇంత ఉత్కంఠభరితంగా మారుతుందని ఎవరూ ఊహించి ఉండరు. మావి సహా భారత బౌలర్లందరూ కట్టుదిట్టంగా బౌలింగ్ చేయడంతో 68 పరుగులకే 5 వికెట్లు కోల్పోయింది లంక. ఓపెనర్ కుశాల్ మెండిస్ (28) మినహా ఎవ్వరూ క్రీజులో నిలవలేకపోయారు. నిశాంక (1), ధనంజయ (8), అసలంక (12), రాజపక్స (10) పెవిలియన్కు వరుస కట్టేశారు. కుశాల్ కూడా వెనుదిరగడంతో లంకకు ఆశలు సన్నగిల్లాయి. కానీ శానక, హసరంగ (21) అనూహ్యంగా భారత బౌలర్లపై ఎదురుదాడి చేసి.. లంకను పోటీలోకి తెచ్చారు. హసరంగ ఔటయ్యాక కూడా శానక పోరాటం కొనసాగింది. ఒక దశలో సమీకరణం 21 బంతుల్లో 34 పరుగులతో తేలిగ్గా మారింది. కానీ శానకను ఔట్ చేసిన ఉమ్రాన్.. భారత్కు ఉపశమనాన్ని అందించాడు. ఆ తర్వాత చమిక తన ధాటిని చూపించాడు. 9 బంతుల్లో 21 పరుగులు చేయాల్సిన స్థితిలో హర్షల్ బంతిని స్టాండ్స్లోకి పంపించాడు. చివరి ఓవర్లో 13 పరుగులు అవసరం కాగా.. మూడో బంతికి అతను సిక్సర్ బాదడంతో 3 బంతుల్లో 5 పరుగులే చేయాల్సి వచ్చింది. అయితే ఒత్తిడిలో చివరి మూడు బంతులను అక్షర్ ఎంతో కట్టుదిట్టంగా వేశాడు. చమికకు షాట్ ఆడే అవకాశమే ఇవ్వలేదు. ఆఖరి బంతికి 4 పరుగులు అవసరం కాగా.. చమిక గట్టిగా ప్రయత్నించినా బౌండరీ రాలేదు.
తడబడి.. నిలబడి..: వాంఖడె పిచ్ బ్యాటింగ్కు పూర్తి అనుకూలమన్న అంచనాల మధ్య టాస్ ఓడి బ్యాటింగ్ ఎంచుకున్న తొలి ఓవర్లో చూపించిన దూకుడు చూస్తే.. లంక ముందు 200 పైచిలుకు లక్ష్యం నిలుపుతుందేమో అనిపించింది. బంగ్లాదేశ్పై వన్డే మ్యాచ్లో డబుల్ సెంచరీ సాధించిన ఊపును కొనసాగిస్తూ.. ఇషాన్ తొలి ఓవర్లో చెలరేగాడు. ఒక సిక్సర్, రెండు ఫోర్లతో తన ధాటిని చూపించాడు. రెండో ఓవర్లో శుభ్మన్ కూడా చక్కటి ఫోర్ కొట్టి ఆత్మవిశ్వాసంతో కనిపించాడు. ఇలా ఆశావహంగా ఆరంభమైన భారత ఇన్నింగ్స్.. తర్వాత కుదుపులకు లోనైంది. స్పిన్నర్ తీక్షణ తన తొలి ఓవర్లో మూడో బంతికే శుభ్మన్ (7)ను వికెట్ల ముందు బలిగొన్నాడు. సమీక్ష కోరినా ఫలితం లేకపోయింది. తర్వాత స్థానిక ఆటగాడు సూర్యకుమార్ 360 డిగ్రీ మెరుపుల కోసం చూసిన ముంబయి అభిమానులకు నిరాశ తప్పలేదు. అతను వికెట్ల వెనక్కి తనదైన శైలిలో షాట్ ఆడే ప్రయత్నంలో షార్ట్ ఫైన్లెగ్లో ఫీల్డర్కు దొరికిపోయాడు. సంజు శాంసన్ (5) ఇలా వచ్చి అలా వెళ్లిపోయాడు. మరో ఎండ్లో నిలకడగా ఆడుతున్న ఇషాన్తో కెప్టెన్ హార్దిక్ (29) తోడయ్యాక ఇన్నింగ్స్ కొంచెం కుదుటపడింది. 7 ఓవర్లలో 47/3తో ఉన్న భారత్.. 10 ఓవర్లకు 75/3తో కాస్త మెరుగుపడింది. కానీ కొన్ని ఓవర్ల వ్యవధిలో ఇషాన్, హార్దిక్ వెనుదిరగడంతో భారత్కు మళ్లీ కష్టాలు తప్పలేదు. 15 ఓవర్లకు స్కోరు 101/5. ఈ దశలో 140 దాటితే గొప్ప అనిపించింది. కానీ కాసేపు ఆచితూచి బ్యాటింగ్ చేసిన దీపక్ హుడా, అక్షర్.. చివరి ఓవర్లలో చెలరేగి ఆడి జట్టుకు ఊహించని స్కోరు సాధించిపెట్టారు. తీక్షణ వేసిన 16వ ఓవర్లో రెండు సిక్సర్లతో ఇన్నింగ్స్కు హుడా మళ్లీ ఊపు తెచ్చాడు. అక్షర్ సైతం సమయోచితంగా షాట్లు ఆడాడు. చివరి 5 ఓవర్లలో భారత్ 61 పరుగులు రాబట్టింది. ఈ మ్యాచ్తో మావితో పాటు గిల్ టీ20 అరంగేట్రం చేశాడు.
భారత్ ఇన్నింగ్స్: ఇషాన్ (సి) ధనంజయ (బి) హసరంగ 37; శుభ్మన్ ఎల్బీ (బి) తీక్షణ 7; సూర్యకుమార్ (సి) రాజపక్స (బి) కరుణరత్నె 7; సంజు శాంసన్ (సి) మదుశంక (బి) ధనంజయ 5; హార్దిక్ (సి) కుశాల్ (బి) మదుశంక 29; దీపక్ హుడా నాటౌట్ 41; అక్షర్ నాటౌట్ 31; ఎక్స్ట్రాలు 5 మొత్తం: (20 ఓవర్లలో 5 వికెట్లకు) 162; వికెట్ల పతనం: 1-27, 2-38, 3-46, 4-77, 5-94; బౌలింగ్: రజిత 4-0-47-0; మదుశంక 4-0-35-1; తీక్షణ 4-0-29-1; చమిక కరుణరత్నె 3-0-22-1; ధనంజయ డిసిల్వా 1-0-6-1; హసరంగ 4-0-22-1
శ్రీలంక ఇన్నింగ్స్: నిశాంక (బి) మావి 1; కుశాల్ (సి) శాంసన్ (బి) హర్షల్ 28; ధనంజయ (సి) శాంసన్ (బి) మావి 8; అసలంక (సి) ఇషాన్ (బి) ఉమ్రాన్ 12; భానుక రాజపక్స (సి) హార్దిక్ (బి) హర్షల్ 10; శానక (సి) చాహల్ (బి) ఉమ్రాన్ 45; హసరంగ (సి) హార్దిక్ (బి) మావి 21; చమిక కరుణరత్నె నాటౌట్ 23; తీక్షణ (సి) సూర్య (బి) మావి 1; రజిత రనౌట్ 5; మదుశంక రనౌట్ 0; ఎక్స్ట్రాలు 6 మొత్తం: (20 ఓవర్లలో ఆలౌట్) 160; వికెట్ల పతనం: 1-12, 2-24, 3-47, 4-51, 5-68, 6-108, 7-129, 8-132, 9-159; బౌలింగ్: హార్దిక్ పాండ్య 3-0-12-0; శివమ్ మావి 4-0-22-4; ఉమ్రాన్ మాలిక్ 4-0-27-2; చాహల్ 2-0-26-0; హర్షల్ పటేల్ 4-0-41-2; అక్షర్ పటేల్ 3-0-31-0
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అప్పుడు పరుగులు చేసింది కోహ్లీ ఒక్కడే: డుప్లెసిస్
Faf du Plessis: విజయంతోనే జట్టులో విశ్వాసం వస్తుందన్నాడు బెంగళూరు సారథి ఫాఫ్ డుప్లెసిస్. తమ జట్టులో విరాట్ కోహ్లీ టాప్ స్కోరర్గా ఉండటం ఆనందంగా ఉందన్నాడు. -
ప్రతి మ్యాచ్లో అది పనిచేయదు, అయినా..: కమిన్స్
Pat Cummins: హైదరాబాద్ వేదికగా గురువారం జరిగిన ఐపీఎల్ మ్యాచ్లో బెంగళూరు చేతిలో సన్రైజర్స్ ఓటమిపాలైంది. దీనిపై కమిన్స్ మాట్లాడుతూ.. తమ జట్టు అనుసరిస్తున్న వ్యూహాన్ని సమర్థించుకున్నాడు. -
బెంగళూరు గెలిచిందోచ్..
విధ్వంసక బ్యాటింగ్తో ప్రత్యర్థులను హడలెత్తిస్తున్న సన్రైజర్స్ హైదరాబాద్తో వరుస ఓటములతో సతమతమవుతున్న రాయల్ ఛాలెంజర్స్ బెంగళూరుతో మ్యాచ్ అంటే ఫేవరెట్ ఎవరో చెప్పాల్సిన పని లేదు. -
చదరంగ యువరాజుకు ఘన స్వాగతం
సమయం తెల్లవారుజామున 3 గంటలు. చెన్నై అంతర్జాతీయ విమానాశ్రయం. సాధారణంగా రాత్రి వేళ ప్రయాణికులతో మాత్రమే కాస్త సందడిగా ఉండే ఆ విమానాశ్రయంలో గురువారం మాత్రం ఎంతో హడావుడి నెలకొంది. -
దిల్లీ జట్టులోకి గుల్బాదిన్
గాయంతో ఐపీఎల్ 17వ సీజన్ నుంచి అర్ధంతరంగా తప్పుకొన్న మిచెల్ మార్ష్ స్థానాన్ని అఫ్గానిస్థాన్ పేస్ ఆల్రౌండర్ గుల్బాదిన్ నయీబ్తో దిల్లీ క్యాపిటల్స్ భర్తీ చేసింది. -
ఫైనల్లో ధీరజ్ బృందం
ఆర్చరీ ప్రపంచకప్ స్టేజ్-1 టోర్నీలో భారత పురుషుల రికర్వ్ జట్టు సత్తా చాటింది. -
ఆ నిబంధనతో ప్రమాదమే
ఇంపాక్ట్ ప్లేయర్ నిబంధన వల్ల ఆల్రౌండర్ పాత్ర ప్రమాదంలో పడుతోందని స్పిన్నర్ అక్షర్ పటేల్ అన్నాడు. -
ట్రయల్స్లో అర్జున్ రికార్డు స్కోరు
ఒలింపిక్ షూటింగ్ ట్రయల్స్ 10మీ ఎయిర్ రైఫిల్లో అర్జున్ బబూత ప్రపంచ రికార్డు స్కోరు (254) సాధించాడు. -
భారత అథ్లెట్ల జోరు
ఆసియా అండర్-20 అథ్లెటిక్స్ ఛాంపియన్షిప్స్లో భారత అథ్లెట్ల జోరు కొనసాగుతోంది.
తాజా వార్తలు (Latest News)
-
విజయ్ మాల్యా అటుగా వస్తే మాకు అప్పగించండి: ఫ్రాన్స్కు భారత్ విజ్ఞప్తి
-
‘ఫ్రీజింగ్ ఎగ్స్’ విధానం మంచిదే: మృణాల్ ఠాకూర్ ఆసక్తికర వ్యాఖ్యలు
-
100% వీవీప్యాట్ స్లిప్ల లెక్కింపు కుదరదు: పిటిషన్లు కొట్టేసిన సుప్రీం
-
17 వేల ఐసీఐసీఐ క్రెడిట్ కార్డులు బ్లాక్.. కారణమిదే!
-
అప్పుడు పరుగులు చేసింది కోహ్లీ ఒక్కడే: డుప్లెసిస్
-
శ్రీశైలంలో వైభవంగా భ్రమరాంబాదేవి కుంభోత్సవం