Dhoni: ధోనీ చూస్తుండగానే సెంచరీ చేశాడు.. ఆసక్తికర విషయం పంచుకున్న సాహా

ముంబయి: మహేంద్రసింగ్‌ ధోని నుంచి చాలా విషయాలు నేర్చుకున్నానని వికెట్‌ కీపర్‌ బ్యాట్స్‌మన్‌ వృద్ధిమాన్‌ సాహా అన్నాడు. కెరీర్‌ ఆరంభ రోజుల్లో ఒక మ్యాచ్‌లో ధోనితో కలిసి ఆడిన సందర్భంగా అతను చూస్తుండగానే సెంచరీ చేయడాన్ని మరిచిపోలేనని సాహా గుర్తు చేసుకున్నాడు. ‘‘ధోనీతో కలిసి కోల్‌కతాలో ఒక క్లబ్‌ మ్యాచ్‌ ఆడాం. మేమిద్దరం ఇన్నింగ్స్‌ మొదలుపెట్టాం. నేను 36 పరుగులు చేసేటప్పటికి ధోని స్కోరు 9 పరుగులు మాత్రమే. ‘సింగిల్‌ తీసి స్ట్రైక్‌ ఇవ్వు’ అని మహి నాతో అన్నాడు. అంతే.. ఆ తర్వాతంతా ధోనీదే జోరు. నేను 41 పరుగులకు వచ్చేసరికి అతడి సెంచరీ పూర్తయిపోయింది. దీన్ని బట్టి అతడెంత వేగంగా ఆడాడో అర్థం చేసుకోవచ్చు. మహి నుంచి ఎన్నో విషయాలను నేర్చుకున్నా. ఆట విషయానికి వచ్చేసరికి ఇద్దరం ఒకే ఉత్సాహంతో ఆడతాం’’ అని సాహా చెప్పాడు. గత సీజన్లో సన్‌రైజర్స్‌ హైదరాబాద్‌కు ఆడిన సాహాను ఈసారి మెగా వేలంలో రూ.1.9 కోట్లు వెచ్చించి గుజరాత్‌ టైటాన్స్‌ దక్కించుకుంది.